Вести › Набрзинка

Метамофорзис го осудија Закерберг

9 јануари 2025

Фондацијата Метаморфозис го пренесоа мислењето на нивното европско братство факт-чекери дека „силно ги осудува“ изјавите на извршниот директор на Мета при најавите дека почнувајќи од САД ја прекинува употребата на независна проверка на фактите на своите платформи.
„Поврзувањето на проверката на фактите со цензурата е штетно“, вели мрежата. „Проверувачите на факти не „цензурираат“ никого. Нашите членови истражуваат и објавуваат докази за потенцијално лажни тврдења“.
Се вадат дека отсекогаш одлука на „Мета“ било што да прави со нивната етикета за некоја содржина, а не нивна. Поинаку кажано, тие не биле џелати на содржината, туку само праќале луѓе кај џелатот, а тој бил слободен да реши што да прави со нив и својата секира.

9 септември 2026

Обвинетиот поранешен директор на „Државна лотарија“, Перпарим Бајрами, кој повеќе од една година беше во бегство, утрово самиот се предал и бил уапсен.
Бајрами, заедно со поранешниот вицепремиер Артан Груби и уште шест лица, е обвинет за злоупотреба на службената положба и овластувања во врска со набавка на терминали за коцкање во државната компанија.
МВР во декември 2024 година објави меѓународна потерница по Бајрами. Почна да му се суди во отсуство.
Груби, кој исто така повеќе од една година беше недостапен за органите на прогонот, се предаде на граничниот премин Блаце во февруари годинава, по што му беше определен куќен притвор.
Судењето за случајот продолжува в петок.

9 септември 2026

Администрацијата на Трамп минатата недела продолжила со обработката на барањата за имигрантски визи само за Унгарија и Полска, но ја задржа привремена глобална пауза во закажувањето интервјуа за сите други земји.
САД во јануари воведоа забрани за патување за државјани од десетици земји, воведоа високи такси за одредени работни визи и наложија сите апликанти да поминат низ проверка на нивната историја на социјалните мрежи.
Откако федерален судија во август ја поништи забраната, Стејт департментот ги прекина интервјуата за имигрантски визи во сите свои дипломатски претставништва ширум светот.
Вашингтон во исто време воведе нова програма за обука на службениците, за да проценат дали апликантите ќе можат самите да се издржуваат во САД, без да зависат од јавна помош.