Вести › Набрзинка

Мерко доби согласност да отвори факултет за здравствени науки

14 јуни 2024

На два дена пред заминување од министерската фотеља во образование, Јетон Шаќири го потпишал решението за исполнетост на услови за почеток со работа на факултетот за здравствени науки при Меѓународниот Универзитет во Струга, зад кој стои струшкиот градоначалник, Рамиз Мерко.
Позитивно мислење претходно дале и Агенцијата за квалитет на високо образование и Одборот за акредитации.
Ќе бидат тоа тригодишни студии за медицински сестри.
Трајко Славески: Бог нека ни е на помош.
Бранко Героски: Прва задача за идната влада на Мицкоски – на Мерко не смее да му се дадат медицински студии!
Рамиз Мерко се наоѓа на американската црна листа.

извор

Шефицата на АфД: Ќе го укинеме еврото, ќе ги затвориме границите и ќе излеземе од Шенген

24 август 2026

Копретседателката на Алтернатива за Германија (АфД), Алис Вајдел, изјави дека доколку влезе во сојузната влада, нејзината партија ќе бара Германија да излезе од еврозоната и од Шенген, да ги затвори националните граници и да воведе значително построга миграциска политика.
„На Германија ѝ беше значително подобро пред воведувањето на еврото“, рекла Вајдел во интервју за ЗДФ, тврдејќи дека заедничката европска валута ја ослабнала германската економија и го намалила богатството на домаќинствата.
Во пресрет на изборите на 6 септември во Саксонија-Анхалт, АфД има поддршка од повеќе од 40 отсто од гласачите. На национално ниво, АфД има 27 отсто поддршка, додека ЦДУ е на 22 отсто.

извор

Кратко сефте за Артан Груби

24 август 2026

Главната расправа во судскиот процес за случајот „Државна лотарија“, во кој се обвинети осум лица, меѓу кои и поранешниот вицепремиер Артан Груби, е одложена на барање на одбраната.
Дел од адвокатите на обвинетите пред судот посочиле дека не го добиле обвинителниот акт, како и дека доказите на Обвинителството не им биле дадени на увид.
Судијката Биљана Шуплиновска Јолевски образложила дека поради обемот на доказниот материјал (231 материјален и седум вербални докази), доказите не биле испратени по пошта, туку биле обезбедени во кутии во судот, од каде што бранителите можат да ги подигнат и да извршат увид.
Артан Груби се враќа во домашен притвор а обвинетиот Прпарим Бајрами, поранешен директор на Државна Лотарија, не се враќа никаде бидејќи е во бегство.
Сите обвинети, наместо за проневера во службата, се товарат за друго кривично дело - злоупотреба на службената положба и овластување, кое предвидува поблага казна.

извор