- Федералниот суд во Бостон ја отфрли 10 милијарди долари тешката тужба на државата Мексико против американски производители на оружје по која тие се виновни што прават и рекламираат оружје од воен карактер кое потоа лесно завршува во мексиканските картели.
- На мета беа Смит & Весон, Ругер, Штурм и други производители на оружје со кое се прават масакри по Мексико.
- „Нашите симпатии се со мексиканскиот народ а не со оние што шверцуваат оружје, но сепак мора да се држиме до законот “ ја објасни судијата правната ситуација во која производителите генерално не одговараат за тоа како нивното оружје се користи.
- Европската комисија индиректно потврдува дека се уништени текстуалните пораки што шефицата Урсула фон дер Лајен ги разменила со директорот на Фајзер, Алберт Бурла, во 2021 година, кога ЕУ преговараше да купи 1,8 милион дози вакцини против ковид-19 за цена 15 пати повисока од производната.
- Наспроти обврската од законите за транспарентност, ЕУ тогаш ги одби барањата од новинарите да ги објави пораките, сметајќи дека „не се од интерес за јавноста“. Врховниот суд на ЕУ во мај пресуди дека „Комисијата не може без веродостојно објаснување да тврди дека не ги поседува документите“. Поради аферата Фајзергејт во Европскиот парламент се гласаше и за недоверба на претседателката на ЕК.
- На новото барање од Њујорк тајмс дали се чуваат пораки меѓу Фон дер Лајен и Бурла, Комисијата на 28 јули потврдила дека таква комуникација постоела, но објаснува дека Фон дер Лајен лично била одговорна да процени дали текстуалните пораки се документи од интерес и дали имаат вредност за да се објавуваат и да се чуваат.
- ЕК наведува дека сега не може да пронајде такви текстови и индиректно укажува дека не ги поседува. Фон дер Лајен неколку пати го сменила телефонот по комуникацијата со Бурла. Старите телефони биле форматирани и рециклирани - што значи дека сите информации во нив се уништени.
- Двајца украински пратеници од владејачката партија Слуга на народот на претседателот Володимир Зеленски се степаа во Врховната Рада за време на расправата за враќање на контроверзниот закон за антикорупциските органи.
- Пратениците Владлен Некљудов и Генадиј Касаи се степаа токму на првата седница на Радата директно пренесувана на телевизија по три и пол години. Преносите беа забранети поради „безбедносни причини“ на 24 февруари 2022 година, кога Русија ја почна воената инвазија.
- Наспроти очигледниот судир на ставови, законот што обезбедува независност на Националното биро за борба против корупцијата и на Специјализираното обвинителство за борба против корупцијата беше усвоен со 331 гласа за и ниту еден против.
