- Десетици илјади луѓе ги засилија уличните протести низ Турција поради апсењето на градоначалникот на Истанбул, Екрем Имамоглу, кој му е главен противник на претседателот Реџеп Таип Ердоган. Имамоглу ги отфрла сите обвиненија за корупција како „политички прогон“.
- Полицијата употребила сила за да ги разбие протестите во Истанбул, Анкара, Измир и други градови. Уапсени се вкупно 97 лица, изјави министерот за внатрешни работи Екрем Имамоглу.
- До денеска напладне, бројот на уапсени се зголеми на 343.
- Властите во петокот објавија петдневна забрана на демонстрации во Анкара и Измир и најавија затворање на приодите кон плоштади во Истанбул. „Нема да толерираме нарушување на јавниот ред“, изјави Ердоган.
- Лидерот на опозициската Републиканска народна партија, Озгур Озел, повика на мирни протести: „Турнете ги барикадите без да повредите полицајци. Освоете ги улиците и плоштадите“.
- Чеченскиот претседател Рамзан Кадиров забрзано го спрема својот 18-годишен син Адам за наследник. Му додели нов медал поради „значаен придонес за обезбедувањето на безбедноста, стабилноста и просперитетот на татковината“.
- Премиер Магомед Даудов на свечената церемонија го нарече Адам „енергичен и ефикасен лидер способен да решава сложени проблеми со принципиелност и лојалност кон каузата.“
- Градите на младиот Кадиров ги красат едно чудо медали, доделени од неговиот татко, но и од Москва, а ја има и титулата „Херој на Чеченската Република“. Во Руската книга на рекорди е запишан како најмлад шеф на регионална безбедносна служба.
- Стариот Кадиров пред една недела итно бил префрлен во болница во Москва поради сериозно влошена здравствена состојба. Локални медиуми тврдат дека лекарите едвај успеале да го реанимираат. По неколку дена тој се појави во јавноста со новогодишна порака до Чеченците.
- Подaтоците од беспилотното летало на украинските вооружени сили, соборено за време на нападот врз руската претседателска резиденција во Новгорог му беа предадени на претставник на Канцеларијата на военото аташе во Амбасадата на САД, соопшти руското Министерство за одбрана.
- Декодирањето на податоците од украинскиот дрон недвосмислено потврдуваат дека целта на нападот бил комплексот згради во кои се наоѓа руската претседателска резиденција, изјави Игор Костјуков, началник на Главната разузнавачка управа на Генералштабот.
- Украина демантира дека имале таква операција а официјален Киев тврди дека Русија го има измислено целото сценарио. Нивните разузнавачи сугерираат дека инцидентот ја подготвува јавноста за претстојна голема вооружена провокација на Русите.
