- Десетици илјади луѓе демонстрираа во Софија, Варна и во други бугарски градови против предлог-буџетот за 2026 година, за кој сметаат дека ќе ја заштити корупцијата во државниот врв.
- Во Софија група демонстранти фрлаа камења, шишиња и петарди врз полициските кордони распоредени пред седиштата на партиите од владејачката коалиција. Полицијата одговори со пендреци и со солзавец.
- Опозицијата протестира против кастрењето на социјалните придонеси во буџетот заради зголемување на трошоците за проекти поврзани со корупција.
- Буџетот за 2026 година е првиот изразен во евра, валутата што ќе го замени левот од 1 јануари. Речиси половина од граѓаните на Бугарија се против воведувањето на еврото, стравувајќи дека тоа ќе ги зголеми цените на производите и услугите, а не и платите.
- Европската централна банка неодамна предупреди дека очекува пораст на инфлацијата во Бугарија по прифаќањето на еврото.
- Почина театарската, филмска и телевизиска глумица Ленче Делова, соопшти Драмски театар, нејзината матична куќа. Имаше 77 години.
- Нејзиниот талент, сценска присутност и човечка топлина оставија неизбришлива трага на сцената и во срцата на публиката. Со секоја улога таа внесуваше искреност, емоција и посветеност, градејќи ликови кои долго ќе се паметат. Нејзината насмевка и ведриот дух беа светлина зад сцената, а нејзината професионалност пример за генерации актери, напишаа колегите.
- Делова играла во 60-тина претстави во Драмски театар, а глумеше и во над 30 филмови.
- Луѓето кои користеле канабис во која било фаза од својот живот имаат поголеми волумени во мозочните региони поврзани со меморијата, учењето и извршните функции.
- Користејќи податоци од над 25.000 луѓе на возраст меѓу 40 и 77 години, истражувачи откриле дека умерената употреба на канабис во текот на животот е во корелација со зголемување на големината на четири битни региони во мозокот - хипокампусот, амигдалата, каудатното јадро и и путаменот.
- Со оглед на тоа што овие мозочни региони се поврзани со клучни атрибути како што се емоциите, моторната контрола и меморијата, истражувачите решиле да истражат како употребата на канабис влијае врз когнитивната кондиција од средината на животот па понатаму.
- Испитувајќи податоци од 16.728 лица, уште еднаш потврдиле дека умерената употреба е поврзана со подобри перформанси во задачи што вклучуваат учење, брзина на обработка на податоци и краткорочна меморија.
- Неодамна во Македонија беа запленети 40 тони марихуана. Знаете ли колку мозочен волумен може да добие колективниот ум на Македонецот кој во свeтски споредби и онака кубури со IQ?
- Кажавме што имаме да кажеме.
