- "Тесла пријави дека платил НУЛА федерален данок на приход во 2025 година“, напиша поранешниот американски државен секретар за труд, Роберт Рајх.
- „Во меѓувреме, благодарение на неговиот нов пакет бонуси за Тесла, Илон Маск би можел да заработува 3 милијарди долари повеќе годишно од сите 1,4 милиони наставници во основните училишта во САД заедно.“
- Го гледате ли проблемот овде?, праша Рајх.
- Семејната компанија на Трамп поднесе барање за регистрација на името на претседателот како трговска марка на аеродромите.
- До Федералната канцеларија за трговски марки е подннесено барање за ексклузивни права за користење на името на претседателот на аеродромите и десетици поврзани работи што се наоѓаат таму, од автобуси што ги превезуваат патниците, преку чадори и патни торби до униформи.
- Процедурата започнува во време на дебата во Флорида околу државниот закон за именување на аеродромот Палм Бич по Трамп.
- На оваа тема ја имавме и оваа вест: „Доналд Трамп ќе ја дигнел рампата за пар милијарди наменети за Њујорк под еден услов - да се додаде неговото име на неколку знаменитости“.
- Организацијата Трамп ветува дека нема да бараат пари или да го наплаќаат брендот туку само сакаат да го заштитат името, кое, според нив е „најзлоутребуваната трговска марка во светот“.
- Москва, Будимпешта и Братислава го обвинуваат Киев дека намерно не го поправа оштетениот нафтоводот „Дружба“ за да ги остави Унгарија и Словачка без руска нафта и да ги уценува.
- Украинскиот министер за надворешни работи Андриј Сибиха тврди дека нафтоводот, кој поминува преку Украина, бил оштетен при руски напад при крајот на јануари. Тој ја повика Унгарија да протестира до Москва, а не до Киев.
- Портпаролот на Кремљ, Дмитриј Песков, изјави дека Русија е во контакт со клиентите од Унгарија, но ситуацијата е комплицирана поради одлуките на Киев. „Украина врши енергетска уцена против Унгарија, која е членка на ЕУ“, изјави Песков.
- И словачкиот премиер Роберт Фицо го обвини Киев дека ја одложува поправката за да ја уценува Унгарија, која се спротивставува на пристапувањето на Украина во ЕУ. Тој го оспори и тврдењето дека „Дружба“ бил оштетен од руски напад. „Слушнавме толку многу лаги од двете страни што не можам со сигурност да кажам кој бомбардирал или уништил дел од нафтената инфраструктура.“
- Шефот на унгарската дипломатија Петер Сијарто побара од Хрватска да овозможи алтернативно доставување со руска нафта преку Јадранскиот цевковод до неговата земја и до Словачка. Европската комисија објави дека е спремна да организира разговори и додаде дека Унгарија и Словачка имаат залихи за 90 дена.
