Вести › Набрзинка

Маск се повлекува, ама, условно

21 декември 2022

Илон Маск најави дека е подготвен да отстапи од местото генерален извршен директор на Твитер откако тоа го сугерираа резултатите од неговата анкета за тоа прашање.
Меѓутоа: „Ќе дадам отказ како ЦЕО веднаш ШТОМ најдам некој кој е доволно будала да ја прифати таа работа“.
Маск рече дека после оставката како главен на компанијата, ќе се занимава само со тимовите за софтвер и сервери.

извор

Даниел Коцев и Анел Фидоски се обвинителите кои го пуштија Груби дома

23 февруари 2026

Даниел Коцев е предметниот јавен обвинител во случајот со Артан Груби кој за време на неговото сослушување (велат во судот) предложил на Артан Груби да му биде определена поблага мерка од притвор во Шутка, односно да оди во куќен притвор.
Груби во истражниот затвор нема да преспие ни една ноќ.
Предметот го води Основното јавно обвинителство Скопје чиј прв човек е обвинителот Анел Фидоски.
Куќниот притвор бил предложен и поради тоа што второосомничениот во случајот Лотарија (Груби) доброволно се пријавил на органите на прогонот, како и дека постојат индиции дека во притворското одделение не може да се гарантира неговата лична безбедност.
Груби „доброволно се пријави“ после 14 месеци бегство од државата.
Се молат скопските обвинители деновиве доброволно да се пријават како доставувачи на храна за Груби преку Волт и Корпа, во случај тој да се сомнева во безбедноста на домашната храна.

извор

Артан Груби доби куќен притвор

23 февруари 2026

Поранешниот вицепремиер Артан Груби доби мерка куќен притвор, откако одбраната побара ваква мерка, а Обвинителството се согласи со предлогот, дознава „Скопје1“.
Скандалозна одлука за куќен притвор за некој кој избегал од земјава и 14 месеци не бил достапен на правдата, се правда со наводната небезбедност на Груби во затворот „Шутка“, каде би требало да биде притворен.
Истрагата против Груби ја води Основното јавно обвинителство – Скопје и се однесува на сомнежи дека како раководител на владина седница го одобрил барањето на Државна лотарија за јавна набавка на ВЛТ-терминали, иако институцијата немала законско право самостојно да организира игри на среќа.
Постапката беше отворена по одлуката на Стејт департмент на САД да го стави на „црната листа“, поради основани сомнежи за вмешаност во коруптивни дејствија и влијание врз судски предмети поврзани со поранешниот директор на тајните служби, Сашо Мијалков.

извор