Вести › Набрзинка

Лондон, тешки копита те газат

24 април 2024

Неколку војнички коњи се вознемириле за време на утринските вежби во Лондон, се отргнале од контрола и уплашени галопирале по централните лондонски улици.
Инцидентот започнал пред Бакингемската палата па преку Трафалгар, еден од коњите се учукал во ветробанско стакло од автобус и јурел наоколу облеан со крв.
Најмалку четири лица се повредени и пренесени во болница.

извор

Во САД веќе гласале 48 милиони

31 октомври 2026

Четири дена пред отворањето на гласачките кутии на изборите за Претставничкиот дом и Сенатот, правото на предвремено гласање го искористиле рекорден број од 47.922.669 Американци.
Заклучно со петокот на пладне, веќе е надминат е рекордот од 45,9 милиони предвремени гласови на изборите во 2022 година.
Според анализа на „Election Lab“ при Универзитетот во Флорида, досега гласале повеќе регистрирани демократи отколку републиканци.
Порастот е особено изразен во сојузните држави каде што се води жестока борба за места во Сенатот – трки што би можеле да одредат кој ќе има контрола врз овој дом во текот на последните две години од претседателскиот мандат на Доналд Трамп.
Во Тексас до средата предвремено гласале повеќе од 6 милиони луѓе. Одѕивот е за околу 50% поголем отколку во истиот период во 2022 година.
Се предупредува дека поголемото учество во раната фаза не мора нужно да значи и поголема вкупна излезност.

извор

Од утре нова такса од ЕУ за Тему

31 октомври 2026

Од утре стапува на сила новата такса на ЕУ од 2 евра за секој производ во евтините меѓународни пратки, згора на таксата од 3 евра воведена во јули.
Мерката е директно насочена кон популарните кинески синџири за онлајн продажба, како Temu, Shein и AliExpress.
Новата давачка ќе важи за секој различен артикл во пакетот. Ќе биде проширена и на пратки со проценета вредност повисока од 150 евра.
Со оглед на тоа што минатата година во Унијата влегле 5,8 милијарди пратки со мала вредност, Брисел смета дека овие давачки би можеле да донесат приход од речиси 6 милијарди евра годишно.
Новата такса нема да ги погоди купувачите во Македонија, кои од лани плаќаат по 18% ДДВ за сите пратки од странство што надминуваат вредност од 22 евра.

извор