На самитот на НАТО, за време на своето меѓународно деби, новиот британски премиер вети дека Украина може да очекува од Обединетото кралство по три милијарди фунти годишно, „сè додека е потребно“.
По неговата средба со Владимир Зеленски, Кир Стармер вети дека воената помош за Украина е гарантирана барем до 2030-2031 година и порача дека украинското зачленување во НАТО е неизбежно.
Од 2022 до денес, Обединетото кралство на Украина ѝ има дадено 12 милијарди фунти, од кои 7,1 милијарда се воена помош.
Висок столб од густ црн чад се крева источно од Скопје е пожар во фирмата „Нулта отпад“ во селото Трубарево, изјави директорот на Дирекцијата за заштита и спасување Стојанче Ангелов.
„Преку бројот за итни повици Е-112 е добиена пријава за голем пожар во Општина Гази Баба, поточно во село Трубарево, каде што гори фабрика за пластични работи. Екипи од противпожарната бригада на Град Скопје се на веќе интервенираат за гаснење на пожарот“, изјави директорот на Центарот за управување со кризи, Мухамед Али.
„Има голем пожар во Трубарево, зафатени се отпадни материи, се гасне со повеќе екипи“ изјави Звонко Томевски, командир на Бригадата за противпожарна заштита на град Скопје.
Бригадата претходно интервенирала и во гаснење на пожар во стара Цементара во Горно Лисиче.
Мемфис, Тенеси, ќе биде следниот американски град во кој претседателот Доналд Трамп ќе испрати припадници на Националната гарда за да „воведат ред“.
„Одиме во Мемфис. Мемфис е во длабоки проблеми“, порача Трамп, без да најави кога точно би ги испратил трупите. Тој претходно предупреди дека ќе нареди распоредување припадници на Националната гарда во Њу Орлеанс, Балтимор и Чикаго.
Градоначалникот на Мемфис, демократот Пол Јанг, изјави дека не побарал распоредување на војска. „Мислам дека тоа не е начин да се смири криминалот“, изјави Јанг, но најави дека заедницата би имала полза ако распоредувањето се спроведе на стратегиски начин: „Потребни ни се финансиски средства за интервенција и спречување, повеќе патролни офицери и поддршка“.
Според податоци на ФБИ, Мемфис е град со една од највисоките стапки на криминал во САД. На 100.000 жители има 2.501 случај на насилен криминал.
Трамп на 11 август нареди федералните власти да ја преземат контролата на Вашингтон ДК од градската полиција и ја активираше Националната гарда во главниот град на САД. Мерката со времетраење од 30 дена измина пред два дена, но се очекува федералните трупи да останат. Откако тие уапсија стотици осомничени лица, Трамп објави: „Вашингтон ДК сега е речиси ослободен од криминал“.
