Вести › Набрзинка

Лазар Ристовски излезе од српското Друштво на драмски уметници

25 декември 2024

Познатиот актер и писател го напушти еснафското здружение наведувајќи дека се ставило во служба на едноумието и дека ја загрозува слободата на мислењето.
Вели дека со последните зачестени соопштенија, иако тврди дека е неутрално, Друштвото поддржува само една политичка опција и дека заборава дека има членство од неколку илјади, а не од неколку стотини кои вршат тортура над мнозинството.
„Кога сте застанале во моја одбрана? Никогаш. А бев жестоко прозиван, навредуван и напаѓан, и јас и моето семејство, како од СНС додека ги поддржував демократите, така и сега, уште пожестоко, кога го поддржувам претседателот Вучиќ“.
„Ова што го правите е бес, кој, ако продолжите така агресивно да го негувате, никому нема да донесе добро. Може да доведе само до пролевање братска крв и ништо друго.“

извор

Питер Тил се мисли поголем милијардер од Папата

5 јули 2026

Милијардерот и технолошки магнат Питер Тил го обвини папата Лав XIV дека делува како „кинески комунистички агент“ застапувајќи се за регулирање на вештачката интелигенција во неговата серија предупредувања и предвидувања за иднината на вештачката интелигенција и западната цивилизација.
Ко-основачот на Пејпал и Палантир предупреди и на опасност од „социјалистички преврат“ во Демократската партија на САД.
Питер Тил беше еден од првите кои го поддржуваа Доналд Трамп а беше и ментор на кариерата на ЏејДи Венс.
Смета дека со тоа што бара меѓународна регулација на вештачката интелигенција, Папата се става во служба на кинеските интереси.
Во есеј од 2009 година, Тил напиша дека слободата и демократијата не се компатибилни а дека женското право на глас ја направило „капиталистичката демократија“ оксиморон. Ја финансираше кампањата на Халк Хоган против Гавкер (по која медиумот банкротираше) зашто го пишуваа дека е геј.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор