Вести › Набрзинка

Кој ја Буши Македонија: Син на заменик министер бил доушник на криминалци

30 декември 2024

Синот на поранешниот заменик министер за внатрешни работи Назим Буши од ДУИ е осомничен дека е „кртот“ на криминалната група Барон/Беланоца. Го сомничат дека пред десетина дена ја провали акцијата за апсење на припадници на скопското нарко подземје.
Од 18 осомничени за убиства и рекет, полицијата уапси само четворица, а еден сам се пријавил. „Катастрофално е дека човек којшто требаше да биде апсен, 10 минути пред да пристигне полицијата доби информација и сега е недостапен за органите на прогонот. За тоа некој мора да одговара“, рече министерот Панче Тошковски по акцијата на 16 декември годинава.
Синот на Буши влезе во фокусот на јавноста пред две години кога полицијата го запре неговото ауди кое користело недозволени полициски флешери (ротациони светла). Се обиделе да го запрат во Чаир, но по бркотници со полицијата го стигнале на Качанички пат. Кога дознале дека е функционерски син, го пуштиле.

извор

Тридневна жалост во Црна Гора поради масакрот во Цетиње

2 јануари 2025

Во безумен крвав поход во Цетиње, 45 годишниот Ацо Мартиновиќ уби 12 и рани четворица. Подоцна, опколен од полицијата, кога сфатил дека е во безизлез, пукал во себе и починал на пат кон болница.
Излудениот Мартуиновиќ пукал во сè што му дошло пред очи: роднини, пријатели, кумови.... Две од неговите жртви се деца на 10 и 13 годишна возраст.
На убиствата им претходела кафеанска расправија по што Мартиновиќ заминал и се вратил со оружје убивајќи го сопственикот на локалот и неговите деца, како и членови на сопственото семејство. Според официјалните лица, убиствата ги извршил на четири локации.
Отпосле го опишуваат како опасна и брутална личност. Во 2005 година, бил осуден на условна казна за насилничко однесување. Пред две години во неговиот дом било пронајдено оружје и експлозиви. Бил првостепено осуден на три месеци затвор, но не била донесена правосилна пресуда.

извор