Вести › Набрзинка

Кои фирми имаат раст на профитот над 1.000 проценти?

8 ноември 2023

ЕТМТ ЕНЕРЏИ е фирма формирана во март во 2021 година, а нејзин сопственик е фирма од Албанија. Минатата година, таа најмногу купувала ноќни вишоци на струја од АД ЕСМ, појава што беше остро критикувана од ВМРО-ДПМНЕ, наспроти информациите дека со домашното производство се задоволуват домашните потреби, а со продажбата на вишокот финансиски се подобрува состојбата на домашната енергетска компанија. Во 2021 фирмата била на 977 место, лани на 11-то.
АТС Груп е фабрика отворена во јули 2019 година во индустриската зона Визбегово, и произведува опрема за војска и полиција. Нејзин сопственик е Шефкет Демировски, кој е и сопственик на неодамна отворената фотоцентрала „Новаци“, за која беше кажано дека е најголема на Балканот. АТС груп има раст на добивка од 3.473 проценти и лани заработила 11,8 милиони евра што ја позиционирала на високо 16. место, а претходната година по добивка била на 792. место.
Одличен скок имаат и Ван хол (автобуси), ЕСМ продажба, РКМ (мазут, Капушевски), Марковски компани Борче ДОООЕЛ (ископ на јаглен во РЕК Битола), Макошпед (шпедиција), ЕУ Синерги (медицински материјал), АКО Градба (градежен метаријал), Дуферко (трговија со струја)....

извор

Трамп сака да му даде на Израел 40.000 бомби од по 1 тон

16 септември 2026

Администрацијата на Трамп привршува план за продажба на 40.000 бомби МК-84 на Израел, секоја од по 900 килограми.
Експлозијата на бомбата МК-84 – една од најмоќните во арсеналите - исфрла метални фрагменти стотици метри во сите правци и може да пробие метал и дебел бетон. Израел фрлил стотици МК-84 врз Газа и Либан, дури и врз зони означени како „безбедни“ за цивилите.

Пакетот во вкупна вредност од 2,8 милијарди долари вклучува и продажба на 20.000 боеви глави I-2000, наменети за пробивање утврдувања.
Иако трансакцијата се опишува како продажба, за бомбите всушност плаќаат САД преку механизмот за Странско воено финансирање.
Администрацијата на Трамп врши притисок врз лидерите на надлежните комисии на Конгресот да ја одобрат продажбата. Комисиите досега поддржувале вакви продажба, но во јули повеќе од 100 демократски конгресмени гласаа за прекин на секаква американска помош за Израел. И сè поголем број конзервативни коментатори, вклучувајќи ги Мегин Кели, Такер Карлсон и Кендис Овенс, се против помошта од 3,8 милијарди долари што САД му ја испраќаат на Израел секоја година.

извор