Вести › Набрзинка

Клоци и боксови во бугарското собрание

17 декември 2025

Бугарски пратеници се степаа со клоци и боксови на пленарна седница на Народното собрание.
На расправата за изградба на нови блокови во нуклеарната централа Козлодуј, меѓусебно се навредувале, а потоа и се степале пратениците Ѓунај Далолу од партијата ДПС и Радостин Василев, лидерот на партијата МЕЧ.
Бугарија е во длабока политичка криза. Илјадници граѓани на масовни протести во Софија и другите градови го изразија својот гнев кон политичарите и корупцијата. Под притисок од протестите владата прво го повлече предлог-буџетот за 2026 година, а потоа премиерот Росен Жељазков поднесе оставка.

Од другите актуелни парламентарни дуели го издвојуваме и Мексико.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор