Клековски: Умислени либерали и бугарски летоци
4 ноември 2021
- Ќе посочам на можната причина за причините на изборниот дебакл, илузијата во која живеат добар дел од раководството и симпатизерите на СДСМ, дека се најпаметни, најубави, сѐ нај, а всушност дека се авторитарни самобендисани арогантни неработници умислени либерали.
- Да, да, има парада на гордоста и Боки 13 е омилен лик, за по првата криза, да стане „педер“ што сака да ја сруши Владата. Паднал режимот, медиумите се слободни, ама тие што критикуваат се „исфрустрирани“ новинари. Умислените либерали аплаудираа на одлуката на Владата да се прифатат бегалци од Авганистан, што е исправен чекор, но премолчија одлука на Владата на неколку дена пред вториот круг да ја прекине градбата на центар за странци во Бардовци, Карпош.
- За триесет години, СДСМ кога и да се нашол под притисок на ВМРО-ДПМНЕ се враќа на својата оригинална или почетна матрица „ВМРО-Бугари“, каде што, секако, ова Бугари нема убаво значење на пријатели и браќа. На протестите на СДСМ против преименувањето улици во Скопје во 2012 година се извикуваше „Бугари, Бугари“, а преименувањето вклучуваше историски лица за кои сега се пенавиме да докажеме дека се македонски херои.
