Вести › Набрзинка

Ќе се бара смртна казна за убиецот на Чарли Кирк

17 септември 2025

Американското обвинителство потврди дека ќе бара смртна казна за 22 годишниот обвинет за убиството на конзервативниот активист Чарли Кирк.
Случајот против Тајлер Робинсон има седум точки. Иако се насетуваше, мотивот станува сè појасен: Тајлер на своите дома им рекол дека во Кирк имало „премногу омраза.“
Тој убиството го има признато во порака до својот цимер со кој бил во љубовна врска, транс дечко кој почнал да транзитира кон жена.
Динеш Д Соуза има ваква теорија: Тајлер Робинсон најверојатно е геј, но бидејќи тоа не не лесно да се признае во конзервативна средина во каква е растен, влегува во однос со транс-лице кое сака да биде жена, што таквата врска - во неговите очи - ја прави „хетеросексуална.“

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.