- „Ако САД сакаат војна, царинска, трговска или каков било друг тип војна, спремни сме да се бориме до крај“ - Ши Џинпинг, претседател на НР Кина.
- „Ние сме спремни. Оние што копнеат за мир, мора да се подготват за војна“ - Пит Хегсет, министер за одбрана на САД.
- Кина - 1,4 милијарда жители, 18.500 милијарди долари БДП, 3.045.000 војници, 500 атомски бомби.
- САД - 340 милиони жители, 28.780 милијарди долари БДП, 2.112.800 војници, 3.708 атомски бомби.
- Европските лидери на самитот во Брисел се договорија да издвојуваат повеќе средства за зајакнување на одбраната и да ја бранат Украина.
- „Европа мора да го прифати овој предизвик, оваа трка за вооружување. Цела Европа е способна да победи во каков било воен, финансиски или економски судир со Русија. Едноставно сме посилни“, изјави полскиот премиер Доналд Туск.
- Европската комисија ќе помогне со фискална флексибилност за членките и со заем од 150 милијарди евра за воени потреби.
- Српските пратеници ги усвоија измените на Законот за високо образование, што беше едно од барањата на студентите што протестираат низ земјата и организираат блокади.
- „Исполнето е четвртото барање на студентите од блокадите. Веројатно сега ќе се вратиме на настава“, изјави претседателката на Собранието, Ана Брнабиќ.
- Со и изменетиот закон се намалуваат школарините за студентите за 50% и се зголемува буџетот за образование за 20%.
