- Русија и Украина договорија дека ќе ги запрат своите воени акции во Црно Море заради безбедно движење на бродовите, објави Белата куќа.
- „Рано е да се каже дека ќе функционира, но ова беа добри средби и добри одлуки“, изјави украинскиот претседател Володимир Зеленски.
- Москва очекува олеснување на санкции за руски банки, осигурителни компании и извозници на храна пред да стапи на сила прекинот на огнот. Зеленски тврди дека укинувањето на санкциите не е договорено како услов за прекинот на огнот.
- Украинскиот министер за одбрана Рустем Умеров побара итни консултации за техничките детали за „спроведувањето, надгледувањето и контролата“ на прекинот на огнот.
- Американскиот претседател Доналд Трамп најави дека за 30% до 80% ќе ја намали цената на лековите што се издаваат на рецепт. Наредбата за политиката „Најомилена нација“ подразбира изедначување на цената на лековите со најниската по која може да се најдат во било која од другите развиени земји.
- „Нашата земја конечно ќе биде третирана праведно, а трошоците за здравствена заштита на нашите граѓани ќе се намалат со бројки за кои не ни помислувавме досега. Згора на сè, САД ќе заштедат билиони долари“, објави Трамп на својата социјална мрежа.
- Има голема разлика во цените на лекови помеѓу САД и другите земји. Цената лековите за дијабетес Jardiance, на пример, лани била 611 долари за 30-дневно снабдување во САД, во споредба со 70 долари во Швајцарија или 35 долари во Јапонија.
- Трамп не прецизираше дали наредбата ќе се однесува на Медикер, Медикејд или на други владини програми за здравствена заштита.
- И првата администрација на Трамп се обиде да ја воведе оваа регулатива кон крајот на 2020 година, но беше блокирана од федералните судови, а Џо Бајден ја напушти иницијативата. Овој план се однесуваше на лековите што пациентите ги добиваат во лекарските ординации, како дел од програмата Медикер.
- Албанските социјалисти се на прагот на уште една победа на парламентарните избори, што би му донела четврти во низа премиерски мандат на нивниот лидер Еди Рама.
- Според првичните резултати објавени од Изборната комисија, социјалистите освоиле 53% од гласовите, а опозициската коалиција на чело со Демократската партија освоила 34%.
- Ова беа 11-те избори во Албанија по соборувањето на комунистичкиот режим и први на кои право на глас имаа и 245.000 граѓани во дијаспората.
