- Меморијалниот центар на нацистичкиот логор Буханвалд има право да им забрани пристап на лица што носат палестинска шамија. Виш суд во Турингија одбил барање од жена да влезе во меморијалниот центар нагрната со кефија „за да испрати политичка порака против едностраната поддршка за израелската влада“.
- „Несомнено е дека ова би го загрозило чувството на безбедност на многу Евреи, особено на ова место. Правото на слобода на изразување на жената во овој случај е надминато од интересот на споменикот заради почитување на целта на институцијата“, објави судот.
- Жената била запрена и во април, кога се обидела така да учествува и на комеморацијата на 80-годишнината од ослободувањето на логорот. Во интерен документ на Центарот било наведено дека „кефијата тесно се поврзува со напорите за уништување на државата Израел“.
- „Шамијата сама по себе не е забранет симбол. Сепак, ако се користи со други симболи заради релативизирање на нацистичките злосторства, во тие случаи инсистираме луѓето да ги отстранат“, изјави директорот Јенс-Кристијан Вагнер.
- Во нацистичкиот логор Бухенвалд за време на Втората светска војна биле префрлени 340.000 луѓе, претежно Евреи, Роми, советски воени затвореници и хомосексуалци. 56.000 биле убиени или умреле од глад и премореност во погоните за производство на ракетите V-1 и V-2.
- Швајцарската полиција соопшти дека „неколку десетици“ луѓе загинаа а над 100 се повредени во пожарот што избувнал во бар во популарното скијачко место Кран-Монтана.
- Италијанското министерство за надворешни работи излезе со бројка од 40 загинати, но таа не е конечна.
- Трагедијата во барот „Le Konstelasion“ во монденското место има морничави сличности со македонската трагедија во кочанскиот клуб Пулс. Пожарот настанал од пиротехника поставена на шишиња која го запалила таванот па настанала паника. Час и половина после полноќ се слушнала и силна експлозија.
- Поранешниот директор на затворот „Скопје“ во Шуто Оризари, Филип Андов – Сокол, е осуден на казна затвор во траење од осум месеци за злоупотреба на службената положба и овластување.
- На останатите обвинети, шест затворски полицајци, им се изречени условни казни затвор кои нема да се реализираат доколку во наредните една, односно три години, не сторат ново кривично дело.
- Обвинетите на петмина осуденици им овозможиле незаконски погодности. Осудените биле спроведувани до своите домови и до други локации за приватни потреби, спротивно на пропишаната постапка.
- Од СДСМ ја обвинија актеулната власта дека преку „нарачани судски пресуди“ врши директна репресија врз партиски функционери од опозицијата.
- ВМРО-ДПМНЕ велат дека Андонов неодамна беше назначен за член на Извршниот одбор на опозициската партија за да може пресудата за него подоцна да се претстави како политички прогон.
