Вести › Набрзинка

Катиљ ферманот на Агелер направи џумбус

26 април 2023

Жестока караница и обвинувања во Судскиот совет – се собираат потписи за разрешување на претседателката Дамева. (ЕДИТ: Ја разрешиле)
Ковачевски тврди дека писмото на амбасадорката Агелер било испратено секаде каде што треба. Пендаровски не го добил. Стево, ти текнува?
Владата направила сè што може за унапредување на судството ама опозицијата ги блокира законите, ни објаснува премиерот.

Во писмото, американската амбасадорка потсети дека во реформи на македонското судство, САД вложиле половина милијарда долари. И не им текнува дека негде грешат.
Кои се Заевите камшикарки од Судскиот совет: Весна Дамева. Посиромашна и посрамна биографија за еден претседател на Судскиот совет досега не била објавена. Тања Чачарова Илиевска. Нема поминато ниту еден ден како судија или обвинител, а треба да ги оценува судиите. Лорета Гeоргиева. Сиромашна кариера и напредување само кога СДСМ и Заев се на власт.

извор

Скопје е за дислокација на Усје

26 декември 2025

По 13-часовна седница, Советот на Град Скопје едногласно ја прифати иницијативата на Зелен хуман град за дислокација на цементарницата „Усје“.
Град Скопје ќе побара од Министерството за животна средина да се испита работењето на Усје и на сите големи индустриски загадувачи, како и дали целосно ги исполнуваат условите и обврските од дозволите за работа и важечката еколошка регулатива.
Од Државниот инспекторат за животна средина се бара да спроведе серија ненајавени вонредни инспекциски надзори, со цел да се утврди фактичката состојба.
Градоначалникот на Скопје е задолжен да се обрати до Владата за да се разгледа можноста за започнување постапка за дислокација на „Усје“ и на другите големи индустриски загадувачи на соодветни локации надвор од скопската котлина, пренесува Макфакс.

извор

Путин го сака цел Донбас, за сè друго е спремен да преговара

26 декември 2025

Рускиот претседател Владимир Путин би прифатил размена на одредени територии со Украина за да заврши војната. На средба со стопанственици во Кремљ тој истакнал дека сè уште е спремен за можните отстапки за кои разговарал со американскиот претседател Доналд Трамп на самитот во Алјаска во септември.
„Во суштина Путин не отстапува од ставот Донбас е наш, но не ја отфрла можноста за размена на територии. Не прифаќа дискусии за стратегискиот јазол Краматорск-Контстантиновск-Славјанск“, забележува новинарот на Комерсант, Андреј Колесников.
Руските сили сега контролираат околу 90% од територијата на Донбас и околу 75% од териториите на регионите Запорожје и Херсон, како и мали реони околу Харков, Суми, Николаев и Днепропетровск.
Путин говорел и за заедничко управување на нуклеарната централа Запорожје заедно со САД, а не со Украина, и за распределбата на генерираната струја. На прашањето дали украински специјалисти би можеле да работат во централата, тој одговорил: „Тие веќе работат како и порано, само што сега имаат руски пасоши“.
Во новиот мировен план од 20 точки усогласен од САД и Украина, оставени се отворени прашањата за територијалното разграничување и управувањето на централата Запорожје. Претседателот Володимир Зеленски не ја отфрла идејата за повлекување на украинските сили од Донбас за да се воспостави демилитаризирана зона. За централата Запорожје бара да биде заеднички управувана од САД и Украина.

извор