Вести › Набрзинка

Катиљ ферманот на Агелер направи џумбус

26 април 2023

Жестока караница и обвинувања во Судскиот совет – се собираат потписи за разрешување на претседателката Дамева. (ЕДИТ: Ја разрешиле)
Ковачевски тврди дека писмото на амбасадорката Агелер било испратено секаде каде што треба. Пендаровски не го добил. Стево, ти текнува?
Владата направила сè што може за унапредување на судството ама опозицијата ги блокира законите, ни објаснува премиерот.

Во писмото, американската амбасадорка потсети дека во реформи на македонското судство, САД вложиле половина милијарда долари. И не им текнува дека негде грешат.
Кои се Заевите камшикарки од Судскиот совет: Весна Дамева. Посиромашна и посрамна биографија за еден претседател на Судскиот совет досега не била објавена. Тања Чачарова Илиевска. Нема поминато ниту еден ден како судија или обвинител, а треба да ги оценува судиите. Лорета Гeоргиева. Сиромашна кариера и напредување само кога СДСМ и Заев се на власт.

извор

Депортација за Махмуд Калил во Сирија или Алжир

18 септември 2025

Судија за имиграција во Луизијана нареди пропалестинскиот активист Махмуд Калил, да биде депортиран во Сирија или Алжир поради тоа што во апликацијата за зелена карта не ги пријавил своите врски со Агенцијата на ОН за палестински бегалци (UNRWA) и со активистичката група Апартхејд дивест, која се залага за економски бојкот на Израел.
Неговите адвокати имаат право на жалба до 12 октомври, но очекуваат да биде одбиена.
Калил, Палестинец со потекло од Сирија и со легален статус на постојан жител на САД, беше уапсен во март во Мехнетн и три месеци беше во притвор во Луизијана, врз основа на закон од 1952 година, кој дозволува „отстранување странски државјани со потенцијално сериозни негативни последици за надворешната политика на САД“. Не беше обвинет за кривично дело.
Тој привремено беше заштитен со одлука на федерален суд во Њу Џерси, кој нареди блокирање на барањата за депортација сè додека се разгледуваат неговите аргументи дека притворот бил „незаконска казна за неговото застапување на Палестинците“.
Калил тврди дека го замолкнуваат поради критиките за геноцидот во Газа. „Не е изненадување што администрацијата на Трамп продолжува да ми се одмаздува поради тоа што го остварувам правото на слобода на говорот“.

извор

Стармер ќе ја признае Палестина кога ќе замине Трамп

18 септември 2025

Британскиот премиер Кир Стармер официјално ќе ја признае Палестина за држава на крајот од неделава, откако американскиот претседател Доналд Трамп ќе ја заврши посетата на Обединетото Кралство.
Стармер денеска ќе се сретне со Трамп во својата резиденција во Чекерс, северно од Лондон. Не сака да ја оптовари заедничката прес-конференција со признавањето на Палестина, на кое САД категорично се спротивставуваат и го оценуваат како „награда за Хамас“.
Британија идната недела ќе учествува на состанокот во Генералното собрание на ОН, на кој заедно со Франција, Канада, Австралија и други земји колективно ќе ја признаат Палестина.
Стармер го најави признавањето уште во јули, но остави простор да се откаже ако во меѓувреме Израел го прекине огнот во Газа, ако се посвети на решението „две држави“ и ако ги прекине плановите за анектирање на окупираниот Западен Брег.

извор