Вести › Набрзинка

Канада го знае новиот премиер

10 март 2025

Марк Карни ќе биде новиот премиер на Канада, откако Џастин Трудо во јануари се повлече од функцијата.
Карни, поранешен гувернер на Централната банка, победи на изборите за лидер на либералдемократите со 86% од гласовите. Според канадските правила, тој автоматски ќе ја преземе и премиерската функција.
Приоритет на новиот премиер ќе биде политичката и трговската битка со Доналд Трамп, кој ѝ се заканува на Канада со високи царини, па дури и да ја припои како 51-ва сојузна држава на САД.
„Има некој што сака да ја ослаби нашата економија. Тој ги напаѓа канадските работници, семејства и бизниси. Не смееме да дозволиме да успее. Ќе мораме да правиме работи што не сме ни ги помислувале, со брзина што не сме ја сметале за возможна“, изјави Карни.

19 декември 2025

19 декември 2025

Режисерот Емир Кустурица повеќе не е мнозински сопственик на комплексот Андриќград во Вишеград, откако Владата на Република Српска изврши докапитализација на проектот и презеде целосна контрола врз него.
Владата на РС инвестирала дополнителни 5,5 милиони конвертибилни марки во Андриќград, со што нејзиниот удел во сопственоста се зголеми на 99,93 проценти. Уделот на Емир Кустурица сега изнесува само 0,04 проценти.
Комплексот Андриќград е основан во 2011 година како културно-туристички проект посветен на нобеловецот Иво Андриќ. Се наоѓа на самото устие на реките Дрина и Рзав во Вишеград, а идеен творец е режисерот Емир Кустурица.