„КАМ“ ги отвори вратите на најголемиот логистички центар во државата
18 јуни 2022
Вести › Набрзинка
Папата ја осуди алчноста
9 мај 2025
- Новиот папа Лео 14-ти во првата миса пред кардиналите ламентирал дека луѓето повеќе ги вреднуваат технологијата, парите, успехот, моќта и задоволството отколку христијанството.
- Тој изразил надеж дека Католичката црква може да донесе „светлина во темната ноќ на овој свет“ и дека треба да зрачи со „светоста на своите членови“, а не со „грандиозноста на своите објекти“.
- Папата предупредил дека оние што ја третираат фигурата на Исус како „некој тип харизматичен лидер или супермен“, иако се крстени всушност се атеисти.
- Првиот папа од Америка на мисата се обратил на кардиналите и на италијански и на англиски јазик. Цитати од Библијата читал на англиски и на шпански.
Васил Јованов призна вина за смртта на Фросина
9 мај 2025
- „Да, судија, виновен сум“ изјави пред суд Васил Јованов, кој на крајот на јануари годинава ја прегази со автомобил Фросина Кулакова. „Сакам да изразам најдлабоко сочувство на целото семејство и да се извинам за тоа што сум го сторил. Никогаш не сум можел ниту да помислам за вакво нешто“.
- Јованов е осомничен за „тешки дела против безбедноста на луѓето и имотот во сообраќајот“ за сообраќајката на булеварот „Партизански одреди“ во Скопје во која животот го загуби Фросина.
- Обвинителството објави дека ќе се обиде да докаже дека обвинетиот нецела минута пред настанот сторил и други прекршоци како цик-цак возење и преминување преку две ленти, кои се „релевантни за докажување на умислата“.
- Мајката на Фросина, Камелија Кулакова, побара најстрога казна: „Кажете ми кој збор од законот може да ја опише болката што ја имам. Ова не е судење за сообраќајка, ова е судење за грабеж на живот и иднина. Барам највисока казна не за одмазда, туку за правда“.
