Резиме (кратко?) од Државниот ревизор за работата на Агенцијаата за вработување:

• Слабости во системот на внатрешни контроли во процесот на набавка, прием, издавање и евидентирање на залихите на материјали, процесот наевиденција на горивото за моторните возила и процесот на исплата на средства за активни програми и мерки за вработување;
• Колективниот договор на ниво на работодавач не е усогласен со важечката регулатива и не е доставен предлог до Владата за утврдување на вредноста на бодот за пресметка на платите на вработените
• Не се склучени менаџерски договори помеѓу директорот/заменик директорот на Агенцијата и Владата согласно измените на Законот за вработувањето и осигурување во случај на невработеност;
• Недоволна екипираност на Секторот за внатрешна ревизија и нецелосна реализација на планираните ревизии со Годишниот план за работа на внатрешна ревизија;
• Не се постапува согласно Оперативните упатства за реализација на Оперативниот план за 2020 година во делот на извршување на контролите и обезбедување на комплетност на документацијата при реализација на активните програми и мерки за вработување како и спроведувањето на мониторингот на истите;
• Неусогласеност на податоците од модулите за материјална евиденција на постојани средства, залихата на материјали, како и податоците за исплати по основ на паричен  надоместок и активни мерки во однос на искажаните во сметководствената евиденција;
• Не е воспоставен интегриран систем помеѓу електронскиот систем за активнипрограми и мерки во ЦВ и модулот за финансиско работење на Агенцијата;
• Нецелосно извршен попис на средствата, побарувањата и обврските согласно законската регулатива;
• Не се довршени постапките за утврдување на правниот статус на дел од објектите кои се користат, како и впишување на податоци за сопственоста и правото на користење кај надлежната агенција;
• Слабости во начинот на постапување и евидентирање на залихите на материјали и ситниот инвентар и издавање на истите;
• Неправилности при евидентирање на остварениот приход по основ на придонес за вработување и остварување на меѓу институционална комуникација;
• Преземени се обврски без спроведување на постапки за јавни набавки, склучени се договори кои не се во согласност со утврдените услови во тендерската документација, како и слабости при следење на реализацијата на склучените договори за јавна набавка.