Како да му помогнете на вашето дете да не погреши во изборот на факултет?
11 декември 2025
Вести › Набрзинка
Падна бугарската влада
11 декември 2025
- Премиерот Росен Жељазков објави оставка на владата, како одговорен потег поради масовното незадоволство на граѓаните изразено на уличните протести.
- Повеќе од 100.000 луѓе синоќа низ бугарските градови протестираа против арогантноста на властите и лошото управување со земјата и бараа оставка од владата.
- „Моќта произлегува од гласот на народот. Го слушаме гласот на граѓаните што протестираат против владата. Млади, стари, луѓе од различни етнички групи ги кренаа своите гласови за оставка. Ние ја поддржуваме граѓанската енергија, ја охрабруваме, изјави Жељазков.
- Тој ја објави оставката во Народното собрание непосредно пред гласањето за недоверба на владата, шесто по ред за кабинетот. Владата на Жељазков ги преживеа претходните пет, покренати поради слаби резултати за животна средина, за надворешната политика, борбата против корупцијата и фискалната политика.
Лавров: Русија и САД ги надминаа сите недоразбирања за Украина
11 декември 2025
- По средбата на мировниот пратеник Стив Виткоф со претседателот Владимир Путин повеќе нема недоразбирања помеѓу САД и Русија за војната во Украина, објави шефот на руската дипломатија Сергеј Лавров.
- „Американскиот претседател и неговиот тим потврдија дека се посветени на изнаоѓање долгорочно решение за да се елиминираат причините за кризата. Тие сакаат да ја разберат суштината за украинската криза“, изјави Лавров.
- Тој додаде дека европските земји се уште не ги разбираат руските барања за усвојување пакет документи како основа за долгорочен и одржлив мировен договор во Украина со безбедносни гаранции за сите вклучени страни, не само за Киев.
- Лавров ги осуди милитантните провокации, како изјавата од адмиралот Џузепе Драгоне за „превентивни напади“ од НАТО врз Русија, и предупреди: „Ако Европа сака војна, ние сме спремни уште сега“.
