Вести › Набрзинка

Јермолаев го обвини Киев за атентатот во Монако

17 јули 2026

Украинскиот бизнисмен кој преживеа атентат во Монако ја обвини украинската воена разузнавачка служба ГУР дека го организирала бомбашкиот напад.
„Врз основа на истражните докази со кои располагаме, немаме сомнеж дека активни офицери на Главната управа за разузнавање при Министерството за одбрана на Украина биле директно вклучена во обидот за атентат“, соопшти Вадим Јермолаев во својата прва изјава по нападот.
Бомбата експлодираше кога Јермолаев излегувал од домот заедно со 13-годишниот син и со својата партнерка. Тројцата се ранети, а жената е во тешка состојба. Според француските истражители, бомбата ја поставила Украинката Анастасија Березовска, која по неколку дена беше пронајдена мртва близу Киев. Во врска со убиството, уапсени се Владислав Реут, офицер на ГУР, и Олександр Жикович, поранешен припадник на службите за безбедност.
Украинските обвинители го претставија случајот како дело на „одметнат агент“, кој дејствувал без знаење или овластување од ГУР. Јермолаев ја отфрли таа верзија. „Покрај директните извршители и организатори, заговорот опфаќал и активни службеници на ГУР, како и поединци блиски до сегашното и поранешното раководство на агенцијата“.
Мотивот за нападот останува нејасен. Киев во 2023 година воведе санкции против Јермолаев, еден од најбогатите бизнисмени во земјата, поради тргување со алкохол на Крим, кој е под руска окупација, и плаќање данок на Русија. Неговиот постар син Артур е обвинет за формирање криминална организација вклучена во телефонски измами низ Европа. Ниту се потврдени ниту се демантирани шпекулациите дека телефонската централа била поврзана со државните разузнавачки агенции на Украина.

извор

После посетени 43 европски града, во срцето останало Скопје

6 август 2026

Откако посетил 43 европски престолнини, искусниот патник Конрад Варжеха вели дека едно место секогаш заслужува повторно враќање.
Иако некои од најголемите европски градови, како Рим поради неговата единствена атмосфера или Варшава поради богатата гастрономска понуда, го оставиле без здив, неговиот личен фаворит е Скопје.
За нашиот главен град вели дека сè уште го поседува она што многу популарни дестинации одамна го изгубиле - автентичноста.
Особено му се допаднале плоштадот „Македонија“, величествениот Камен мост и живописната Стара чаршија, како и неверојатната мешавина од архитектонски стилови што ја раскажуваат приказната за богатата и слоевита историја на градот. Бил фасциниран од деталите, од грандиозните скулптури и споменици од „Скопје 2014“ до византиското и отоманското наследство што се чувствува на секој чекор.
Вели дека оваа комбинација создава уникатен и малку надреален амбиент што освојува.

извор

Руски „црни вдовици“ се женат со војници заради отштета

6 август 2026

Кога ќе загине руски војник, неговите најблиски добиваат отштета која почнува од 55.000 евра. Таа има за цел да ги увери регрутите дека нивните семејства ќе бидат згрижени ако се случи најлошото.
Но, расте бројот на оние измамнички кои ова го злоупотребуваат. Намамуваат мажи во лажни бракови пред да одат во војна, а потоа го собираат надоместот ако овие загинат, елиминирајќи ги другите роднини од наследството.
Некои се венчаваат и на смртна постела. Медицинска сестра во една руска болница била обвинета дека се омажила за петмина војници за кои се грижела пред да им подлегнат на повредите, за да им ја земе отштетата.
Војниците кои се враќаат од украинските боишта сè почесто се мета и на телефонски и други финансиски измами.

извор