Вести › Набрзинка

Ја убиваат Газа со масовно гладување

24 јули 2025

Здравствените власти во Газа објавија дека синоќа уште десет луѓе умреле од глад, вкупно 111 во изминатите недели. Меѓу нив и 80 деца.
„Газа страда од масовно гладување предизвикано од луѓе, преку блокадата на хуманитарната помош за палестинската енклава“, изјави шефот на Светската здравствена организација, Тедрос Аданом Гебрејесус.

Повеќе од 100 агенции за помош го повикаа Израел да дозволи доставување помош до луѓето што умираат од глад: „Во магацини покрај Газа, па дури и во Газа, има недопрени тони храна, чиста вода, медицинска опрема, засолништа и гориво, до кои на хуманитарните организации им е блокиран пристапот и не можат да ги испорачаат. Рестрикциите и одложувањата поради целосната опсада создадоа хаос, гладување и смрт“.
Во Газа секој ден се дистрибуира помош од 28 камиони. Пред војната, секојдневно влегуваа по 500 за да ги задоволат потребите.
Израел вели дека мора да го контролира доставувањето на храната за да не заврши кај Хамас. Храната сега ја дистрибуира Хуманитарната фондација за Газа, но ОН предупредува дека центрите се „смртни стапици“. Од крајот на мај израелски трупи убиле повеќе од 1.000 Палестинци што се обиделе да добијат храна од овие центри.

извор

Русјаков: Светот, галаксијата и црните дупки низ вселената

9 ноември 2025

ВМРО-ДПМНЕ победувајќи ја изгуби цела Македонија, СДСМ го освои Зрновце, а Левица растури во Њујорк.
Апелирам итно да се врати ѓубрето на улиците, ем затоа што им е потребно на стаорците, кои никогаш не ги видовме, ама беа распостелени насекаде по медиумите и мрежите, ем затоа што тоа им припаѓа и со него смеат да се справуваат само надлежните, оние урбаните, најпаметните, освестените, бањатите, политички (над)независните, кои живеат на социјалните мрежи и оттаму неподносливо му досаѓаат на светот, галаксијата и црните дупки низ вселената.
Оти ако им го земеме ѓубрето, она духовното, нордистанско, кое самите го ѓубреа низ земјава помагајќи им на орачите и сејачите од „меѓународната“, но и она материјалното, расфрлано по улиците, со што ќе си ги полнат речениците, арогантната недуховитост и гневот од фрустрациите од фактот дека само они знаат како треба и што е паметно, ама глуп народ, никако да им се допре до генијалноста.

извор

Бугарија ќе ја „администрира“ рафинеријата на Лукоил

8 ноември 2025

Бугарското Национално собрание по итна постапка усвои закон што на државата ѝ овозможува да преземе директна контрола врз рафинеријата на руската компанија Лукоил во Бургас.
Цел на Законот е да се обезбеди работење на најголемата рафинерија на Балканот откако Лукоил поради санкции од САД беше принуден да го продаде својот имот во странство.
Владата ќе назначи специјален администратор, кој ќе управува со компанијата ако се оцени дека постои ризик по националната или енергетската безбедност на земјата. Бугарската влада тврди дека ова не е национализација, туку „заштитна мерка што ќе се активира само ако работењето на рафинеријата биде загрозено“.
Администраторот ќе има право да гласа во името на акционерите, да управува со средствата и, ако е потребно, да предложи продажба или преструктурирање на делови од компанијата.
Рафинеријата во Бургас обезбедува најголем дел од горивата за бугарскиот пазар и овозможува извоз во соседните земји.

извор