Вести › Набрзинка

Израел ја запре „селфи јахтата“ со Грета до Газа

9 јуни 2025

Израелски трупи ја презедоа командата врз бродот што пловеше до Газа во хуманитарна мисија. Бродот е пренасочен кон Израел. Приведени се 12-те члена на екипажот, вклучувајќи ги и шведската активистка Грета Тунберг и француската европратеничка Рима Хасан.
Британската јахта „Медлин“ беше изнајмена од пропалестинската Freedom Flotilla Coalition и денеска требаше да испорача симболична хуманитарна помош до Газа - малку ориз и храна за бебиња. Главна цел на мисијата беше да привлече меѓународно внимание за кризата во палестинскиот регион.
„Селфи јахтата со ѕвезди безбедно плови кон брегот на Израел. Патниците ќе бидат вратени во своите земји... Сите патници се безбедни и неповредени. Добија сендвичи и вода. Шоуто заврши“, објави Министерството за надворешни работи на Израел.

All the passengers of the ‘selfie yacht’ are safe and unharmed. They were provided with sandwiches and water. The show is over. pic.twitter.com/tLZZYcspJO
— Israel Foreign Ministry (@IsraelMFA) June 9, 2025

Министерот за одбрана Израел Кац ја оцени хуманитарната мисија како пропаганда во корист на Хамас.
Израел воведе поморска блокада на Газа уште во 2007 година, откако Хамас дојде на власт во палестинскиот појас, за да спречи испорака на оружје. Специјалниот репортер на ОН за палестинските територии, Франческа Албанезе, ја поддржа мисијата на FCC и повика и други бродови да ја нарушат блокадата на Газа.

извор

Јанкуловски: Подемот на Homo Idioticus

16 февруари 2026

Следејќи некои „дебати“ на социјалните медиуми неодамна, се’ повеќе сум уверен дека се враќаме наназад и стануваме поглупави и понефункционални како општество.
Можеби повеќе не сме Homo sapiens – „мудриот човек“. Ниту пак сме Homo economicus, наводно рационалниот актер во класичната економија. Сè повеќе стануваме Homo idioticus – суштество дефинирано, не од мудрост или логика, туку од емоционални импулси, дезинформации и интелектуална инерција.
Изгледа на социјалните медиуми им се потребни „идиоти“. Затоа станаа нивен расадник. Не гледам проблем во тоа да им дозволиме на „идиотите“ да кажуваат идиотски работи. Друго и не може да очекувате од „идиотот“. Проблемот е што платформите преживуваат со пронаоѓање на највирулентните идиотизми и нивно глобално ширење. Едноставно кажано, благодарение на социјалните медиуми, „идиотите“ сега имаат платформа да ја објават својата глупост пред целиот свет.

извор

За СДСМ е понижувачко што Вучиќ спомнал дека Шеќеринска е женско

16 февруари 2026

СДСМ остро го осуди настапот на српскиот претседател Александар Вучиќ (види овде - н.з), оценувајќи дека неговите изјави претставуваат навредливо и недолично однесување кон заменик-генералната секретарка на НАТО, Радмила Шекеринска.
Партијата вели дека Вучиќ е познат по тоа што ги навредува сите оние кои не ги делат неговите ставови или му пречат.
Вучиќ малициозно нагласил дека ‘оваа жена и луѓето кои доведоа до сецесија’“, па СДМС оценува дека нагласувањето на нејзиниот пол во политички контекст е понижувачко и ирелевантно за аргументите што ги изнесува.
Ваквиот речник не бил само личен напад, туку дел од поширок проблем на деградирање на жените во политиката.

извор