Вести › Набрзинка

Израел го почна нападот врз градот Газа

21 август 2025

Голем број Палестинци го напуштаат градот Газа откако израелската војска ја почна првата фаза од најавената копнена офанзива врз градот, која треба да заврши со целосна окупација. По неколкудневно гранатирање, израелски трупи, тенкови и булдожери се распоредија на стратегиски позиции во предградијата Зејтун, Џабала и Сабра.
„Го разбивме Хамас во изминатите 22 месеци. Ќе ја зголемиме штетата на Хамас во градот Газа, упориштето на владиниот и воениот терор. Ќе ја уништиме инфраструктурата над и под земјата и населението повеќе нема да биде зависно од Хамас. Ги почнавме првичните акции. Трупите се на позиции“, изјави портпаролот на ИДФ, Ефи Дефрин.
Премиерот Бенјамин Нетанјаху наредил забрзување на операцијата за преземање на „последните терористички упоришта“. Владата вчера најави дека во септември ќе бидат мобилизирани 60.000 резервисти.
Градот Газа има околу 1 милион палестински жители. Тие во фази ќе бидат повикувани да се евакуираат преку коридори во јужните делови на појасот Газа „заради нивна безбедност“. Тоа уште повеќе ќе ја зголеми хуманитарната катастрофа и гладот. Од почетокот на војната па до вчера, според локални извори, во Газа биле убиени 62.122 луѓе.

извор

Флорида забрани социологија на државните универзитети

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

извор

Руски милијардер најде решение за економијата: да се работи 6 дена по 12 часа

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.

извор