Израел до Европа: Ако признаете, анектираме
28 мај 2025
- Израел им се закани на клучните европски земји дека ако ја признаат Палестина како држава, Израел ќе анектира речиси две третини од Западниот Брег.
- Министерот за надворешни работи Гидеон Сар ги предупредил шефовите на француската и на британската дипломатија дека на евентуалното признавање Израел ќе ја прогласи за своја територија Зоната Ц која опфаќа 61% од Западниот брег.
- Во Зоната Ц, која е под израелска воена контрола, според податоци од 2023 година живеат 354.000 Палестинци и 491.548 еврејски доселеници. Палестинските власти се одговорни за здравството и образованието, а израелските за инфраструктурата и за контролата.
- Францускиот претседател Емануел Макрон веќе најави дека на конференцијата на Обединетите нации во Њујорк во јуни ќе промовира колективно и координирано признавање на државноста на Палестинците. Нетанјаху реагираше дека тој потег би бил „голема награда за тероризмот“.
- Шпанија лани ја призна палестинската држава, но Германија, Чешка и Унгарија се спротивставуваат на еднострано признавање.
