- Поради бришење на ставот 5 од членот 353 за злоупотреби при јавните набавки, наместо најмалку 5 години затвор, на поранешниот секретар на Владата, Мухамед Зекири, сега му се заканува поблага казна.
- Со денешната преквалификација, судењето за Зекири по втор пат почнува од почетокот. Поради намалената запретена казна, му се укина и домашниот притвор, па во иднина ќе се брани од слобода.
- Тој и денеска се изјасни за невин за тврдењето на обвинителството дека во својство на генерален секретар на Владата, без да спроведе јавна набавка, склучил договори за консултантски услуги за транформација на АД Пошта и Железници, од речиси еден милион евра, односно биле платени 147.000 евра повеќе од претходно договорените 795. 000.
- Интернетот не е убеден дека фотографијата која ја објави поранешниот американски претседател на семејна средба за Велигден е баш автентична.
- Бајден се критикува дека ја едитирал фотографијата и се уфрлил себе на неа.
- Неприроден е контрастот како тој е формално облечен наспроти лежерноста на останатите од неговата фамилија а има таму и едно раче кое или е вишок или е во неприродна поза.
- Министерството за трговија на САД најави воведување царини до 3.521% за увоз на соларни панели од четири земји во Југоисточна Азија. Конечната одлука и висината на тарифите треба да биде донесена во јуни.
- Тарифите се реакција на субвенциите од Кина за компании во Камбоџа, Тајланд, Малезија и Виетнам, со цел да го преполнат американскиот пазар со евтини соларни плочи и да им го уништат бизнисот на американските компании.
- Овие четири земји во 2023 година извезле соларни панели во САД во вредност од 12 милијарди долари.
- Уште во првиот претседателски мандат на Доналд Трамп многу кинески компании го префрлија своето производство во соседството, за да ги избегнат тогашните царини за извоз во САД.
