Вести › Набрзинка

Изгласана недоверба за Весна Дамева

11 март 2025

Со 77 гласа „за“ и ниту еден „против“ или „воздржан“, Собранието ја изгласа интерпелацијата на членката на Судскиот совет, Весна Дамева.
Гласањето недоверба за работата на Дамева го поддржаа пратениците од ВМРО-ДПМНЕ, „Вреди“ и ЗНАМ а и опозициската опозициската Левица најави дека гласаат за интерпелациите бидејќи, како што рече пратеникот Борислав Крмов, мора да се испрати порака до судството.
СДСМ и ДУИ уште за време на расправата за интерпелацијата на Дамева ја напуштија пленарната сала.
Поминаа и интерпелациите за уште четворица колеги на Дамева.

12 март 2025

На Ратко Капушевски, Адриан Муча (екс-директор на сектор во ЕСМ) и Ерџан Сулкоски им е определен притвор, соопшти кривичниот суд во Скопје.
За Асмир Јахоски (сопственик на Пуцко петрол и син на пратеникот на ДУИ Исмаил Јахоски) е определен куќен притвор откако обвинителот го преиначил барањето и се откажал од најстрога мерка за обезбедување на присуство.
За останатите 7 осомничени кои беа спроведени во судот, судијата го прифати предлогот на Јавниот обвинител и донесе решени за определување на мерки за претпазливост.

11 март 2025

Украина е спремна да го прифати американскиот предлог за 30-дневен целосен прекин на огнот, по преговорите со претставници на САД во Саудиска Арабија.
САД за возврат итно ќе го обноват споделувањето разузнавачки информации со Киев и ќе ѝ даваат „безбедносна поддршка“ на Украина.
„Топката е кај Русија“, изјави американскиот државен секретар Марко Рубио, кој најави дека „ќе ѝ ја претстави понудата на Москва“.
Претседателот Доналд Трамп изјави дека повторно ќе го покани Володимир Зеленски да ја посети Белата куќа.