Вести › Набрзинка

Иво Санадер правосилно ослободен за воено профитерство

7 февруари 2025

Вишиот кривичен суд на Хрватска ја потврди претходната одлука на судот со која поранешниот премиер Иво Санадер е ослободен од обвиненијата за воено профитерство во аферата Хипо.
Според вторстепената судска инстанца, станува збор за нематеријална штета што секој државен функционер може да ја направи со извршување на кривично дело, без разлика дали тоа е сторено во време на војна или мир.

извор

Обвинителството ја дрибла јавноста за Јахоски

12 март 2025

Судот и Обвинителството си ја префрлаат топката кој е одговорен што Јахоски, за разлика од другите осомничени за тендерите за мазут за ТЕЦ Неготино за кои обвинителството побара притвор, наместо во Шутка, заврши во домашен притвор.
Обвинителството вчера соопшти дека побарало притвор за Асмир Јахоски, но судот му определи домашен притвор. Судот синоќа информира дека Јавниот обвинител се согласил за промена на предлогот за определување мерка притвор со предлог за определување на мерка куќен притвор, што било прифатено од Судијата на претходна постапка. Обвинителството, пак, денеска вели тие барале притвор, но судот не прифатил.
Премиерот Христијан Мицкоски, без да го спомене по име, денеска алудираше дека улога одиграл токму шефот на обвинителството за гонење организиран криминал и корупција Ислам Абази.
Абази беше избран за шеф на обвинителството за гонење организиран криминал и корупција во 2022 година. Сомнежите за негова блискост со раководството на ДУИ ги подгреаја фотографиите на Абази со неговиот соселанец Али Ахмети од Зајас, како и со други функционери на ДУИ.
ОЈО ГОКК соопшти зошто не поднеле жалба: Јахоски бил старател на четири деца, имал оформени цврсти врски со државата, свој бизнис и нарушено здравје.

извор