Вести › Набрзинка

Ирански воен брод со 180 морнари потона кај Шри Ланка

4 март 2026

Иранскиот борбен брод „ИРИС Дена“ со 180-член екипаж потона 40 километри од брегот на Шри Ланка откако веројатно бил торпедиран од подморница.

ЕДИТ: Шефот на Пентагон, Пит Хегсет, соопшти дека бродот бил погоден со торпедо од американска подморница додека бил во меѓународни води. „Тивка смрт. Ова е прво потопување на брод со торпедо по Втората светска војна“, изјави Хегсет.

Реагирајќи на повикот СОС, крајбрежната стража на Шри Ланка успеала да спаси само 32 луѓе од бродот. Тие се згрижени во болница. Биле извлечени неколку мртви тела од морето и се спроведува потрага по уште околу 140 исчезнати морнари
Морнарицата на Шри Ланка објави дека во близина на „ИРИС Дена“ не бил забележан друг брод ниту во областа поминувале авиони. Портпарол истакна дека приоритет има операцијата за спасување преживеани, а причината за инцидентот ќе биде истражена подоцна.
Доналд Трамп синоќа изјави дека американските сили за два дена од операцијата Епски гнев „ги збришале морнарицата и авијацијата на Иран. „Тие немаат морнарица; таа е нокаутирана. Тие немаат воздухопловни сили; таа е нокаутирана. Тие немаат систем за откривање на воздух - тоа е нокаутирано“, рече Трамп.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор