Вести › Набрзинка

Индија ја презема од Британија позицијата пета најголема економија во светот

6 септември 2022

Некогашната британска колонија стана 5-та најголема економија во светот и ги истурка своите колонизатори на шесто место.
Британија во моментот се соочува со најбрзо растечка инфлација во последните четири децении, а Банката на Англија проценува дека опасноста од рецесија ќе трае до 2024.
За разлика од Британија, очекувањето е дека индиската економија годинава ќе порасне за повеќе од 7%.
Во бројки, обемот на индиската економија во кварталот кој завршува во март бил 854,7 милијарди долари, на бритаснката 816 милијарди долари.

извор

Администрацијата на Трамп го тужи Харвард

14 февруари 2026

Министерството за правда поднесе тужба против Универзитетот Харвард за непочитување на истрагата за правила за прием на студенти.
Администрацијата тврди дека институцијата крие информации за тоа дали има расно дискриминирачки критериуми и после значајната одлука на Врховниот суд кој забрани расата да иима влијание врз бодувањето и приемот.
Харвард наводно одбил да предаде евиденција за примени студенти и кандидати. Според обвинителот, ако Харвард имаше престанато да дискриминира одредени раси (белците - н.з.), со задоволство ќе ги предадеше бараните документи.
Администрацијата на Трамп се обиде да замрзне милијарди долари во федерални истражувачки грантови и договори, како дел од својата борба против антисемитизмот на кампусот на Харвард. Кога факултетот пружи отпор, Трамп се фати за можноста Харвард да запишува странски студенти и се закани со укинување на статусот за ослободеност од данок.
Паралелно со сето ова, Трамп прво бараше 500 милиони па после една милијарда долари за решавање на неколку истраги за граѓански права против факултетот.

извор

ЦИА со видео на Јутјуб регрутира кинески шпиони

14 февруари 2026

ЦИА на својот канал на Јутјуб објави ново видео што треба да привлече разочарани кинески војници да соработуваат за САД.
На снимката на мандарински јазик е прикажан кинески офицер што решил да контактира со ЦИА и порачува: „Ова е светот што го познавам, одбрана на татковината и заштита на народот. Но, вистината станува сè поочигледна: лидерите го штитат личниот интерес. Не можев да дозволам лудилото на лидерите да биде иднината на мојата ќерка“.

Ова е петтиот видео-оглас на ЦИА на мандарински јазик за регрутирање кинески шпиони по октомври 2024 година. Директорот Џон Ратклиф вели дека видеата стигнале до многу кинески граѓани, и покрај фактот што во Кина им е блокиран пристапот до Јутјуб.
На оваа тактика, Кинезите лани возвратија со видео во сличен формат во кое се подбиваат со животот во САД и ги предупредуваат Американците дека „нивните лидери се корумпирани, а елитата од Волстрит манипулира со финансиите“.

извор