Вести › Набрзинка

Имран Кан осуден на 10 години затвор

30 јануари 2024

Поранешниот пакистански премиер е осуден на 10 години затвор заради одавање државна тајна. На исто толку и за исто дело е осуден и поранешниот шеф на дипломатијата.
Кан, кој беше срушен од неговите противници во 2022 година, веќе отслужува тригодишна казна затвор за корупција. Новата пресуда доаѓа на седум дена од изборите на кои му е забрането да учествува.
Новата затворска казна е пресудена заради начинот на кој постапувале со депешата на пакистанскиот амбасадор во САД со наводи дека Вашингтон бил соучесник во заверата за смена на Кан.

Види и: Кога треба, муковци и реџеповци лесно се наоѓаат

извор

Брисел бара санкциии и за рускиот патријарх Кирил

10 јуни 2026

Патријархот Кирил, поглаварот на Руската православна црква, е вклучен на новиот список лица на кои ЕУ сака да им воведе санкции поради војната во Украина - да им ги блокира сметките и имотот и да ги спречи да патуваат во Европа.
Европската комисија не го открива идентитетот на лицата од проширениот список пред санкциите да бидат одобрени од сите 27 членки, но извори од Брисел потврдиле дека е допишано и името на патријархот.
ЕУ предложи санкции против патријархот Кирил и во 2022 година, но Унгарија тогаш стави вето на одлуката, со образложение дека тоа е прашање во врска со верски слободи.
Друга точка од 21-от пакет санкции од ЕУ за Русија предвидува забрана за влез во ЕУ на сите Руси што биле на воена служба во Украина откако почна војната во 2022 година.
Се бараат и санкции за банки, берзи за криптовалути и за уште 30 бродови од „сивата флота“ руски танкери натоварени со нафта и гас.

извор

Лабуристите го обвинија Маск за палењата во Белфаст

10 јуни 2026

Британската владејачка Лабуристичка партија го обвини Илон Маск дека со порака на X ги поттикнал големите нереди во Северна Ирска како реакција на ѕверскиот напад на азилант со нож врз маж во Белфаст.
„Само со ПОВТОРНО и ГЛАСНО протестирање ќе има некаква промена!!“, порача Маск пред протестите и сподели десетина локации на кои ќе се собираат луѓе.

„Ужасно е. Секој што се обидува да поттикне и искористи ваква ситуација за да ја спроведе својата политичка агенда, греши и прави штета. Деца и семејства мораа да ги напуштат своите домови. Не сакаме да видиме вакви нарушувања, штета, бандитство, насилство на нашите улици, и секој што се обидува да го предизвика тоа треба да биде осуден“, изјави Ана Тарли, претседавач на Лабуристичката партија.
Напаѓачот е идентификуван како Хади Алодид, азилант на Судан, кој морал да ја напушти Британија во септември 2023 година.
Лекари сè уште се борат да му го спасат животот на Стивен О’Гилви, жртвата на нападот. Тој го изгубил левото око, а има и сериозни повреди на десното и на вратот.

извор