Вести › Набрзинка

Илјада маржи, илјада затоа

18 февруари 2025

Владата одлучи да ја ограничи маржата на 102 групи на производи или над 1.000 прехранбени и непрехранбени производи.
Пет отсто бруто профитна маржа е утврдена на осумте прехранбени производи – млеко, леб, брашно тип 400 и тип 500, јајца, масло за јадење, јогурт и кисело млеко. Десет проценти бруто маржа е утврдена на група од 55 прехранбени производи – месо, преработки од месо, шеќер, лични производи, маргарин, путер, конзервиран зеленчук и овошје, грав, ориз и тестенини. Ограничена е бруто профитна маржа на 39 прехранбени производи и средства за хигиена и тоа на свежо овошје и зеленчук, детергенти, бебешка храна, сапун, тоалетна хартија и слично.
Втората одлука се однесува за утврдување на највисоки цени на осум групи на прехранбени производи при што за највисока цена се утврдени цените што се применувале на 1 февруари 2025 година.
Од сето ова се очекува цените на прехранбените производи да се намалат за околу 10 проценти.

извор

Вучиќ од митинг: Завршено е со нивната обоена револуција

12 април 2025

„Можат да се шеткаат колку сакаат, нема ништо од тоа. Завршено е со нивната шарена револуција“, порача српскиот претседател Александар Вучиќ од денешниот масовен митинг во Белград насловен „Не ја даваме Србија.“
„Кога буквално немавме ни динар во буџетот, кога требаше да намалиме дел од пензиите и платите, сфативте дека ја лечиме земјата, за денес да имаме највисоки плати и пензии од кои не сме задоволни, но се повисоки од кога било во српската историја. А во тоа успеавме благодарение на вас“, рече Вучиќ.
Собирот започнал со настап на Баја мали Книнџа а музика пуштал Жељко Митровиќ, газдата на медиумската империја Пинк..

извор

Осомничени нови 19 лица за Кочани

12 април 2025

Новата транша осомнилчени биле повикани на информативен разговор и поголемиот дел од нив се поранешни функционери и челници на институции. Се сомничат за „тешки дела против општата сигурност“.
„Меѓу новите осомничени се овластени градежни инспектори во општина Кочани, директори и генерален инспектор од Дирекцијата за заштита и спасување, министри за економија, државни секретари и други службени лица од тоа министерство, како и инспектори од Државниот пазарен инспекторат“, соопшти ОЈО Кочани.
Како што претходно беше објавено, полицијата ги привела поранешните министри за економија Ваљон Сарачини и Беким Незири, кадри на ДУИ, како и актуелниот министер без ресор и поранешен директор на Дирекцијата за заштита и спасување (ДЗС), Шабан Салиу, а меѓу уапсените е и актуелниот директор на ДЗС, Џеват Селами, кадар на ВЛЕН.
Вкупниот број на опфатени со истрагата за трагедијата е 52-ца.

извор