Вести › Набрзинка

И Грците отидоа во вселената (а ти си ми уште скарана)

25 март 2026

Адријанос Големис, кој работеше како доктор за Европската вселенска агенција, ќе биде првиот Грк што ќе влезе во програмата за обука на астронаути на Агенцијата.
Неговата обука за астронаути започнува во април со тримесечно запознавање со животот и истражувањата на Меѓународната вселенска станица. Потоа ќе започне интензивна програма долга една година по што ќе може да фаќа пат.
Како доктор, има работено на проучување на влијанијата на долгите вселенски мисии врз организмот на астронаутите.
Секоја година, околу 22.500 кандидати аплицираат за испитите на Европската вселенска агенција за да станат астронаути а секоја година само 25 се избираат за да продолжат во следната фаза.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор