Вести › Набрзинка

И Франција ја призна Палестина

22 септември 2025

На Генералното собрание на Обединетите Нации, францускиот претседател сооопшти дека неговата земја ја признала Палестина.
Зборувајќи за итната потреба од мир, Макрон рече дека е дојдено време да сопре војната, бомбардирањето на Газа и масакрите.
Ден претходно Палестина ја признаа и Велика Британија, Канада и Австралија а истото го стори и Португалија.
„Додека тече геноцид, почнаа да стануваат “хумани” - признаваат држава без граници, без суверенитет, со население кое се истребува од најмало до најстаро. Ја признаваат Палестина а во ООН не гласаат за санкции врз Израел, не прекинуваат дипломатски односи, не вршат интервенција во духот на responsibility to protect... Какви проклети лицемери и убијци“, коментира професорката Билјана Ванковска.

извор

Јанкуловски: Подемот на Homo Idioticus

16 февруари 2026

Следејќи некои „дебати“ на социјалните медиуми неодамна, се’ повеќе сум уверен дека се враќаме наназад и стануваме поглупави и понефункционални како општество.
Можеби повеќе не сме Homo sapiens – „мудриот човек“. Ниту пак сме Homo economicus, наводно рационалниот актер во класичната економија. Сè повеќе стануваме Homo idioticus – суштество дефинирано, не од мудрост или логика, туку од емоционални импулси, дезинформации и интелектуална инерција.
Изгледа на социјалните медиуми им се потребни „идиоти“. Затоа станаа нивен расадник. Не гледам проблем во тоа да им дозволиме на „идиотите“ да кажуваат идиотски работи. Друго и не може да очекувате од „идиотот“. Проблемот е што платформите преживуваат со пронаоѓање на највирулентните идиотизми и нивно глобално ширење. Едноставно кажано, благодарение на социјалните медиуми, „идиотите“ сега имаат платформа да ја објават својата глупост пред целиот свет.

извор

За СДСМ е понижувачко што Вучиќ спомнал дека Шеќеринска е женско

16 февруари 2026

СДСМ остро го осуди настапот на српскиот претседател Александар Вучиќ (види овде - н.з), оценувајќи дека неговите изјави претставуваат навредливо и недолично однесување кон заменик-генералната секретарка на НАТО, Радмила Шекеринска.
Партијата вели дека Вучиќ е познат по тоа што ги навредува сите оние кои не ги делат неговите ставови или му пречат.
Вучиќ малициозно нагласил дека ‘оваа жена и луѓето кои доведоа до сецесија’“, па СДМС оценува дека нагласувањето на нејзиниот пол во политички контекст е понижувачко и ирелевантно за аргументите што ги изнесува.
Ваквиот речник не бил само личен напад, туку дел од поширок проблем на деградирање на жените во политиката.

извор