- Уставниот суд на Јужна Кореја го поништи импичментот на премиерот Хан Дук-со и го врати на позицијата вршител на должноста на претседателската функција.
- Хан беше назначен за премиер во декември, откако парламентот го отповика претседателот Јун Сук Јеол поради обидот да прогласи воена состојба во земјата.
- Само две недели откако Хан ја презеде премиерската функција, пратениците побараа да биде отповикан зашто блокирал назначување нови судии.
- Уставниот суд сè уште не се произнесол за отповикувањето на претседателот Јун.
- Русија и Украина договорија дека ќе ги запрат своите воени акции во Црно Море заради безбедно движење на бродовите, објави Белата куќа.
- „Рано е да се каже дека ќе функционира, но ова беа добри средби и добри одлуки“, изјави украинскиот претседател Володимир Зеленски.
- Москва очекува олеснување на санкции за руски банки, осигурителни компании и извозници на храна пред да стапи на сила прекинот на огнот. Зеленски тврди дека укинувањето на санкциите не е договорено како услов за прекинот на огнот.
- Украинскиот министер за одбрана Рустем Умеров побара итни консултации за техничките детали за „спроведувањето, надгледувањето и контролата“ на прекинот на огнот.
- Ејуп Рустеми, поранешниот директор на Јавното претпријатие Државни патишта, е уапсен во врска со истрага за тендер за обезбедување на патарините.
- Во полициската акција биле уапсени уште три лица - Ејуп Љатифи, заменик директор за одржување патишта, потоа Дрилон Зибери, раководител на Одделение за наплата и контрола на патарини, и Џемал Билбиловски, сопственик на агенцијата за обезбедување „2СС“.
- МВР поднесло кривични пријави против пет физички лица и едно правно лице за злоупотреба на службена положба и овластување и фалсификување службени исправи.
- Станува збор за договор за јавна набавка склучен во август 2022 година, според кој осомничениот управител на агенцијата за обезбедување се обврзал две години да врши континуирано физичко обезбедување на сите 14 наплатни станици на Јавното претпријатие за државни патишта. Не се придржувал кон обврската постојано да ги обезбедува станиците, вршел само делумно физичко обезбедување, најчесто само во прва смена, а фактурирал услуги како да ги обезбедувал 24 часа на ден 7 дена во неделата.
