- Само еден ден по промовирањето, Гугл ја исклучи алатката со ВИ што им овозможуваше на корнисниците на Google Earth графички да ги модификуваат реалните сателитски снимки за било која локација.
- Користењето на графичкиот модел NanoBanana 2 врз мапите беше достапно без најавување и листа на чекање. Илјадници корисници на зумирани локации по избор доцртувале кратери од бомби и нуклеарни експлозии, улични пресметки, паднати авиони..., снимки што може да се користат за ширење лажни информации.
- Иако преработените фотографии имале дигитален жиг дека се производ на ВИ, Гугл вчера ја исклучил оваа функција за да не се злоупотребува. Наспроти заштитата, некои снимки биле оценети како „веродостојни“ на проверките низ машините кои препознаваат материјали генерирани со ВИ.
- „Свесни сме дека луѓето имаат посебна доверба во Google Earth кога станува збор за сигурен приказ на светот. Професионалци од областа на геопросторните податоци ја користеа оваа функција за низа корисни цели, но забележавме и дека луѓето споделуваат слики од екранот со генерирани прикази кои, навидум, ги прекршуваат нашите правила. Затоа, ја повлекуваме оваа функција од Google Earth додека работиме на воведување построги заштитни механизми“, објави компанијата.
- Шпански разузнавачки агенции неколку дена претходно ја предупредиле владата на Педро Санчез за инвазијата на десетици илјади мигранти од Мароко врз енклавата Сеута, но владата не реагирала за да го спречи хаосот.
- Според разузнавачките извештаи, планирано било инвазијата да се совпадне со Денот на тронот – национален празник во кралството Мароко. Кралот Мохамед Шести како „гест на великодушност“ би наредил запирање на граничните контроли кон шпанската енклава.
- Денови пред инвазијата биле спроведени и проби. Автобуси префрлиле илјадници луѓе во градот Кастиљехос, најблиску до границата со Сеута.
- Владата во Мадрид ги игнорирала овие предупредувања и не ја засилила граничната контрола. Во четвртокот во Сеута со пливање или преку оградите се пробија повеќе од 60.000 луѓе и направија хаос во енклавата со 85.000 жители. Мароканската жандармерија не реагирала, а шпанските граничари биле немоќни да запрат толку многу луѓе.
- Шпанските сили воспоставија ред дури во петокот попладне. Повеќето мигранти се повлекоа, откако разбраа дека нема шанси да стигнат до континенталниот дел на Шпанија. Во градот оставија ѓубре, искршени продавници и имоти. Во хаотичните 24 часа загинале повеќе од 50 мигранти.
- Границата од денеска се зајакнува со пловна бариера од 1 метар под површината и 30 до 70 сантиметри над површината, за да ги запре пливачите. Засилени се и крајбрежните патроли.
- Во јуни, за првпат во Германија, имало повеќе електронски плаќања со картички и смартфони отколку со банкноти и монети, според податоци на Бундесбанк. Односот бил 55 наспроти 45 во проценти.
- Тоа не значи дека новчаниците на Германците им останале празни. Мажите со себе носат просечно по 106 евра во кеш, а жените по 90 евра, покажуваат податоците од Бундесбанк.
- Бројот на банкомати во 2024 година првпат падна под 50.000 по неколку децении. Од околу 53.000 банкарски филијали во 2002 година, до 2023 година останале само 21.000.
- Од 10 јули 2027 година во сите земји на ЕУ ќе важи и ограничување од 10.000 евра за готовински плаќања, како мерка против перење пари, финансирање тероризам и избегнување санкции.
- Мерката ги опфаќа продажбите на автомобили (до 12.000 евра), мебел, накит и занаетчиските услуги (до 4.000 евра). Со кеш, сепак, ќе може да се купи половен автомобил од приватен сопственик. Поседувањето готови пари во домот ќе биде ограничено на 30.000 евра.
