Вести › Набрзинка

Го отворивме уставот како пупка: Борисов даде гаранции

28 октомври 2021

„Нема разговори со Македонија додека бугарското малцинство не влезе во Уставот“, рекол Борисов на средба со Бугари од Македонија.
Тие знаат дека нашата поддршка како власт или опозиција за нив зависи од признавањето на бугарското малцинство.
Македонските Бугари пред Борисов кажале дека тие биле автохтониот народ во Македонија и дека не дошле во земјата во 1992 како Бошњаците или во 1918 година како Србите.

извор

Трамп: Зеленски е последниот човек од кого би барал помош

16 март 2026

Доналд Трамп ја отфрли понудата од Володимир Зеленски - Украина со сопствено оружје, технологија и искуство од војната против Русија да им помогне на САД и на блискоисточните земји да се одбранат од иранските дронови.
„Последната личност од која ни треба помош е Зеленски“, изјави Трамп во интервју за NBC News.
Трамп останува на ставот дека Зеленски е главната пречка за постигнување договор за крај на војната во Украина.
„Изненаден сум што Зеленски не сака да склучи договор. Кажете му на Зеленски да прифати договор затоа што Путин е спремен. Многу е потешко да се склучи договор со Зеленски“, додаде Трамп.

извор

Протестен марш на ССМ за повисоки плати

14 март 2026

Сојузот на синдикатите денеска одржа протестен марш со барање за минимална плата од 600 евра и линеарно зголемување на платите за 100 евра.
Претседателот на ССМ Слободан Трендафилов го отфрла законското усогласување од 1.667 денари, бидејќи усогласувањето не го покрива растот на трошоците за живот - во последните два месеца вредноста на синдикалната минимална кошница пораснала за 2.000 денари.
Тој додаде дека 160.000 работници во земјава примаат плата која е под прагот на сиромаштија.
„Сметаме дека за март мора да се зголеми минималната плата затоа што работниците заработуваат многу повеќе отколку што ги плаќаат“, порача Трендафилов. Минималната плата, односно таа што ќе се исплати во април, по годишното усогласување, е 26.000 денари и не ја достигнува вредноста ниту до 500 евра.
ССМ останува на најавата за 24-часовен генерален штрајк, кој овој пат ќе го опфати и приватниот сектор.

извор