Вести › Набрзинка

Глејте да не ви се истури пијачка во BMW X7

23 декември 2021

BMW X7 е најскапиот и најлуксузен СУВ на БМВ. Стандардни му се тркала од 21 инч, греења на сите седишта (со Вернаска кожа), вифи хот-спот, круз контрола, возачки асистенции, избегнување судар....
Е, ама има и држачи за чаши. И некоја дизајнерска омашка поради која, ако се истури пијачка во држачите, воздушните перничиња стануваат бескорисни.
Поправката кошта окоу 2.000 долари, БМВ одбива да ги признае трошоците дури и ако колата е под гаранција па им е стегната колективна тужба која ќе опфати илјадници случаи.

извор

Мелони и со војска ќе го брани Милано

20 октомври 2026

Италијанската влада ќе прераспореди дополнителни 500 војници за да го „одбранат Милано“ по дводневните немири во кои демонстрантите се судрија со полицијата, ограбуваа продавници и уништуваа имоти, изјави вицепремиерот Матео Салвини.
Распоредувањето на војниците ќе биде дел од пакетот нови безбедносни мерки кој го носи владата во време кога продавниците во центарот на Милано рано ги затвораат вратите и ги покриваат прозорците со штици.

За време на викендот биле приведени 271 млад човек во Милано а на немирите им претходеа судири во други градови во северна Италија, вклучувајќи ги Болоња, Бреша, Бергамо и Торино.

Причини за протестите се зголемените трошоци на живот, нефункционирање на институциите и неквалитетот на јавните сервиси.

извор

Алберта гласаше да остане во Канада

20 октомври 2026

Огромно мнозинство на граѓаните на Алберта се изјаснија нивната провинција да остане во Канада и да не распишува обврзувачки референдум за прогласување независност.
Нецелосните резултати од вчерашниот необврзувачки референдум покажуваат дека 76% од граѓаните гласале да останат во Канада.
Иницијативата ја покрена премиерката на Алберта, Даниел Смит, со цел да се спротивстави на федералните еколошки регулативи, да ја заштити нафтената индустрија на провинцијата и да изнуди поголема политичка и економска автономија од централната власт во Отава.
Додека федералистите ја славеа победата, многумина критичари забележаа дека не е за радување фактот што 23% од жителите на богатата провинција се изјасниле за независност. Анкети спроведени во јануари покажаа дека едвај 10% ја поддржува иницијативата за отцепување.
Мич Силвестр, еден од клучните лидери на сепаратистите, истакна дека движењето за независност „нема да исчезне“.

извор