- Владата на Германија ќе им даде дозвола на полицајците да соборуваат дронови за кои ќе оценат дека претставуваат закана, како оние што неодамна беа забележани над аеродромот во Минхен.
- На парламентарната расправа за усвојување на законот ќе биде прецизирано какво оружје ќе може да се користи. Огненото оружје може да биде ризично, но би можеле да се користат и дронови за пресретнување, ласери и системи за блокирање на навигацијата. Полицијата ќе биде надлежна за дроновите што летаат до височина на дрвјата, а оние повисоко ќе ги соборува војската.
- „Инцидентите со дронови ја загрозуваат нашата безбедност. Нема да го дозволиме тоа. Ја зајакнуваме моќта на федералните полициски сили за да откриваат и да се спротивставуваат побрзо“, порача канцеларот Фридрих Мерц.
- Тој оцени дека дроновите што блокираа летови во Минхен биле руски, но истакна дека не биле вооружени и веројатно биле во извидувачка мисија.
- Соборување дронови што го нарушуваат воздушниот простор досега одобрија Британија, Франција, Литванија и Романија.
- Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
- Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
- Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
- За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
- Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.
- Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
- Просекот е 7 урагани во сезона, од кои 2 до 3 се во септември.
- Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
- Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
- Најмалку, само по два, имало во 1982 и 2013 година.
