- Министерството за одбрана на Германија од февруари испратило 298.200 прашалници до момчиња и девојки на возраст од 18 години за доброволно служење воена обврска.
- На овој начин биле регрутирани само 530 доброволци.
- На прашалниците одговориле 96% од момчињата, кои се обврзани да го сторат тоа. Одговориле и 4% од девојките, иако не мораат.
- Бундесверот пријави зголемен интерес за традиционалното регрутирање: годинава се примени 38.500 апликации, речиси 25% повеќе во споредба со истиот период лани.
- Сепак, овие бројки не се доволни за обидот на германските власти да го зголеми бројот на активни војници од сегашните 184.000 на најмалку 255.000 до 2035 година. Доколку не се исполнат целите од Законот за доброволна воена служба, може да се воведе регрутација врз основа на побарувачката.
- Компанија која го снабдуваше РЕК Битола со јаглен ја купи фирмата МГФ ИНВЕСТМЕНТ ДООЕЛ Скопје на бизнисменот Зоран Антиќ и се стекна со акции откако влезе во сопственичката структура на „Македонијатурист“, нашата најголема хотелиерска компанија.
- МГФ ИНВЕСТМЕНТ ДООЕЛ Скопје е основана во 2025 година со регистрирана дејност – останати услужни дејност, но се уште нема остварено деловна активност. Таа е фирма основана оф МГ Фешн на Зоран Антиќ кој го гради станбено-деловниот комплекс на паркингот кај Холидеј ин, хотел кој е во сопственот на „Македонијатурист“.
- Новиот сопственик на МГФ, ПРОМЕТ СТЕЕЛ ХОЛДИНГ е во сопствеништво на Абедин Алиу и неговата потесна фамилија.
- Луѓето низ светот имаат попозитивно мислење за Кина отколку за САД, според ново истражување на центарот Пју спроведено со над 42.000 луѓе во 36 земји на шест континенти. Во дури 27 земји Кина е опишана како попозитивна од САД.
- „Рејтингот на САД е на историски минимум или блиску до него“, изјави Лора Силвер, авторка на извештајот. Причини има повеќе: војната против Иран, грабнувањето на венецуелскиот претседател Мадуро, нападите врз бродовите во Карибите, воведувањето царини, укинувањето програми за помош и заканите од Трамп за анексија на Гренланд, Канада и Панамскиот канал.
- Во исто време, мислењето за Кина низ светот е значително попозитивно во споредба со периодот на пандемијата на ковид, кога беше на најниско ниво.
- Забележан е тренд на пораст на популарноста на Кина во земјите низ кои ја пробива својата трговско-инфраструктурна иницијатива Појас и пат – во Централна Азија и во Африка.
- Меѓу земјите што сега гледаат на Кина попозитивно отколку на САД се и традиционалните американски сојузници, како Канада, Британија, Франција и Германија. Земји со изразени проамерикански ставови се кинеските ривали - Јапонија, Индија и Јужна Кореја, но и Полска и Унгарија во Европа. Во Израел 81% имаат позитивен став за САД, а само 19% за Кина.
