Вести › Набрзинка

Газа гори, продираат израелски тенкови

16 септември 2025
  • „Газа гори!“, порача министерот за одбрана Израел Кац, објавувајќи го почетокот долго највуваната израелска копнена операција за окупирање на градот.
  • Авиони и тенкови, а сега и борбени бродови, го засилиле бомбардирањето на брегот. Во градот одекнуваат посилни експлозии. Тенковите што со недели беа распоредени на приодите денеска напредувале кон центарот на градот.
  • Целта на „ударите со железна тупаница“ врз инфраструктурата во градот, според Кац, е уништување на Хамас и ослободување на преостанатите израелски заложници.
  • Градот Газа беше разурнат уште во првите недели од војната, но во изминатите две години таму се вратија речиси 1 милион жители. Израел предупреди сите цивили повторно да го напуштат градот, затоа што ќе биде воена зона. За да ги истера, во изминатите неколку недели беа гранатирани станбени згради, особено висококатници.
  • Според израелски функционери, 320.000 луѓе до понеделникот тргнале кон „безбедни зони“ во југот на појасот, а 650.000 решиле да останат во градот. 
извор

САД ќе дозволат повисоки дози на зрачење од нуклеарните централи

3 јули 2026
  • Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
  • Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
  • Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
  • Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.
извор

Заради пијани туристи, Сплит забранува ноќно продавање алкохол

3 јули 2026

  • Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.

  • Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.

  • Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.

  • „Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.
извор

Штета ако сте пропуштиле

Сепак дајте колачи

Гревот на љубовта

Ставревски на денот

Џервејс, спомни нè некогаш