- Демохристијаните имаат 29%, десничарите АфД 19,5%, Социјадемократите на Шолц 16%, Зелените 13,5%, покажуваат првичните резултати на изборите во Германија кои се оценуваат како најважни после Втората светска војна.
- Лидерот на конзервативниот блок, Фридрих Мерц, има најголеми шанси да прави коалиција и да биде следен канцелар а резултатите на второпласираните АфД се нивни најдобри резултати досега. Пред четири години имаа само 10,4%
- Во овој момент не е сосема веројатно дека на Мерц ќе му биде доволно да коалицира со СДП на Шолц. Ќе му треба трет играч.
- Тоше Поп Симонов, еден од најважните луѓе на македонската музика, замина на 63 годишна возраст.
- Тоше Поп Симонов беше музичар, композитор, инструменталист, продуцент, аранжер, текстописец... ренесансно комплетен лик во музиката.
- Тоше Поп Симонов беше умен, писмен, начитан, мудар, добар, правичен, бескомпромисен во своите естетски и етички ставови и пресуди... ЗЕН мајстор во занаетот и живеењето.
- Тоше Поп Симонов беше другар, пријател, ведар, урнебесно забавен, брилијантен раскажувач, драгоцен соговорник во секаков вид дружење.
- Ќе ни фали многу. Многу.
- Три лица загинаа, а осум се повредени во сообраќајната несреќа синоќа на патниот правец Кичево-Гостивар.
- Несреќата се случила во 20.55 часот близу местото Сеферов Бунар меѓу Кичево и селото Трапчин Дол. Се судриле три возила.
- Според првичните информации три лица починале од повредите, а осум лица се повредени. Дел од нив се пренесуваат во болницата во Кичево, дел во Клинички центар Мајка Тереза во Скопје, изјави портпаролот на СВР Охрид, Стефан Димоски.
