Фрчат оставки поради досиејата Епстин
2 февруари 2026
- Мирослав Лајчак, советникот за национална безбедност на словачкиот премиер Роберт Фицо поднесе оставка откако неговото име се појави во новообјавени документи поврзани со Џефри Епстин. Лајчак првично негираше дека е одговорен за било кривично дело, опишувајќи ги комуникациите како неформални, но објасни дека дава оставка за да спречи политичка штета на премиерот.
- Нови документи покажуваат дека Лајчак го замолил Епстин да го запознае со „млади девојки“, побарал да биде поканет на „приватните игри“ и му се пофалил дека „сè уште не го видел во акција“.
- Во времето на преписката, Лајчак истовремено бил министер за надворешни и европски работи претседател на Генералното собрание на ОН. Тој го претставил премиерот Фицо како „вистински човек за унапредување на политички интереси на западната мрежа на радикалната десница“. Епстин, пак, во порака до Стив Бенон, го идентификувал Лајчак како „човек што ќе води „европски проект“.
- Покрај тоа што два мандати беше шеф на словачката дипломатија, Мирослав Лајчак беше на важни позиции на Балканот, како амбасадор во Сојузна Република Југославија (подоцна Србија и Црна Гора), со акредитација и во Албанија и Република Македонија (2001-2005), како супервизор на референдумот за независност на Црна Гора (2005), а потоа и специјален претставник на меѓународната заедница за БиХ (2007-2009) и специјален претставник на ЕУ за дијалогот Белград-Приштина и други регионални прашања на Западен Балкан (2020-2025).
- Оставка од британската Лабуристичка партија вчера поднесе и поранешниот министер и амбасадор во САД, Питер Манделсон, за да ја спаси партијата од срам поради неговите приватни врски со Епстин.
- Освен што го има на фотографии како по гаќи стои покрај жена (иако е отворено геј), документи сведочат Манделсон од Епстин добил 75.000 долари во 2003 и 2004 година. Од него се барало да влијае врз промена на владината политика за данок на бонуси на банкарите. Во тоа време, Манделсон бил бизнис секретар во владата на Гордон Браун. „Се трудам напорно да ја изменам. Министерството за финансии се занимава, но јас сум на случајот“, му напишал лордот Манделсон на Епстин.
