- Министрите на ЕУ го поддржаа предлогот за ограничување на привремената заштита за украинските мажи на военоспособна возраст.
- Согласно Директивата за привремена заштита, воведена по руската инвазија врз Украина во 2022 година, ЕУ им даде на Украинците дозволи за престој, пристап до пазарот на трудот и социјална помош.
- Според Евростат, повеќе од 4,33 милиони луѓе кои избегале од Украина моментално имаат привремена заштита во ЕУ.
- „Сите ограничувања треба да важат само за новодојдените кои бараат привремена заштита. Треба да им обезбедиме заштита на Украинците, но во исто време треба да се води војната и да се добие. За да се случи тоа, од суштинско значење е повеќе мажи да останат во Украина и да се борат“, изјави шведскиот министер за миграција, Јохан Форсел.
- Измените на шемата треба да бидат официјално предложени од Европската комисија и да бидат одобрени од членките.
- Докторот Ентони Фаучи е повикан повторно да сведочи пред Сенатот на САД за обвинувањата дека влијаел врз извештаи за потеклото на пандемијата на ковид и за финансирањето на истражувања за „стекнување функции“ кај вируси.
- Комисијата за безбедност на Сенатот сака да утврди дали Фаучи го довел во заблуда Конгресот за време на претходните сведочења кога негираше дека американскиот Национален институт за здравје (NIH) финансирал ризични истражувања на Институтот за вирологија во Вухан.
- Сенаторот Ренд Пол објави дека Фаучи ја одбил поканата доброволно да се појави пред Комисијата. Ако сега одбие, може да биде приведен.
- Документи што неодамна ги објави шефицата на националното разузнавање Тулси Габард укажуваат дека Фаучи влијаел врз проценките на американските агенции во врска со потеклото на вирусот.
- Поранешниот службеник на ЦИА, Џејмс Ердман, сведочеше под заклетва пред Конгресот дека Фаучи намерно препорачувал научници што го поддржуваат неговиот наратив дека вирусот SARS-CoV-2 се проширил по природен пат, а не од лабораторија.
- Новиот кинески суперкомпјутер LinShine од Шенжен е прогласен за најбрз во светот.
- Кина последен пат го имала најбрзиот суперкомпјутер во 2017 година. Оттогаш доминираат американските и јапонскиот Fugaku од 2020 до 2022 година.
- LineShine на тестовите имал за 22% подобри резултати во споредба со американскиот суперкомпјутер El Capitan од Лабораторијата „Лоренс Ливермор“ во Калифорнија, кој беше на врвот според рангирање на перформансите од ноември 2024 година.
- Освен суровата брзина, кинескиот компјутер се издвојува од конкуренцијата со тоа што користи исклучиво стандардни микропроцесори и не е зајакнат со графички процесори. Се напојува со 13,79 милиони јадра ARMv9 од кинески производство.
- LineShine ќе се користи за истражувања на климата и океаните, за откривање нови лекови и материјали, за астрофизика и за развој на вештачка интелигенција.
