Вести › Набрзинка

ЕУ ја прогласи иранската Револуционерна гарда за терористичка

30 јануари 2026

Европската Унија го стави Корпусот на Исламската револуционерна гарда на Иран на листата на терористички организации поради бруталната репресија врз демонстрантите.
„Додавањето на листата не е само симболично. Тоа носи многу конкретни последици: средствата се замрзнуваат, а секоја финансиска или материјална поддршка станува кривично дело“, изјави Хана Нојман, претседателка на делегацијата на Европскиот парламент за односи со Иран.
ЕУ, исто така, воведе санкции против 15 ирански функционери, вклучувајќи го и министерот за внатрешни работи Ескандар Момени. Санкции има и за регулаторот на аудио-визуелни медиуми и софтверски компании вклучени во блокада на интернетот, цензура, и ширење дезинформации.
Неколку членки на ЕУ, особено Франција, беа против одлуката да се прогласи главната иранска воена сила за „терористичка“. Тие тврдеа дека со тоа ќе се затворат сите дипломатски канали со Техеран, се ризикуваат одмазднички акции и се комплицираат преговорите за иранската нуклеарна програма.
Се очекува и Британија да го следи примерот на ЕУ. САД ја прогласија иранската револуционерна гарда за терористичка во 2019 година за време на првиот мандат на Трамп. САД сега испратија воена армада кон Персискиот залив и се закануваат со воен удар ако Техеран одбие да преговара за нуклеарната програма.
„Неколку земји во моментов се обидуваат да спречат ерупција на тотална војна во нашиот регион. Ниту една од нив не е европска“, порача иранскиот министер за надворешни работи. „Настрана очигледната хипокризија да се премолчи израелскиот геноцид во Газа, а да се брза да се бранат 'човековите права во Иран', овој последен ПР маневар на ЕУ е наменет да затскрие дека се работи за субјект во сериозен пад. Европејците заслужуваат подобро од она што нивните влади имаат да го понудат“, вика Абас Арагчи.

извор

АНБ со мирис на УДБА

1 октомври 2026

„Агенцијата за национална безбедност, во соработка со МВР и Обвинителството, спроведе истрага за пропагандна мрежа која, според Агенцијата, дејствува во функција на руските интереси“.

* Бедно и предавнички е да се работи во функција на кои било странски интереси ама дали руските имаат посебна предавничка тежина? Ене го, УСАИД уште не е оладен, не можело и за тоа истрага да се спроведе?

„Преку овие псевдо-портали се шират лажни вести, дезинформации и се врши преобликување на наративи за актуелни настани...“

* Дозволени се само официјални наративи на актуелни настани а нивно „преобликување“ е рамно на извртување на божји наративи? Ако е така, каде да ги прочитаме дозволените наративи?

„Агенцијата порача дека ќе продолжи со откривањето и спречувањето на пропагандистичките активности кои ги поткопуваат евроинтегративните процеси на земјата“.

Една од најмоќните владини агенции е спрегната да им дише во врат на сите кои не се одушевени од евроинтегративните процеси? Има ли АНБ досиеја за сите оние кои се неутрални, кои навиваат за БРИКС, за конфедерација со Кина, Мароко или Виетнам?

п.с. Не заболе нас патка за руски и други странски интереси, но сме дебело засекирани што постои Агенција која вака знае вака да се постави во однос на слободата на мислењето и изразувањето. Бидејќи со мислење и изразување се занимаваме.

Јебале вас „наративи“.

извор

Германија го признава гревот кон Западен Балкан

1 октомври 2026

Германскиот министер за надворешни работи Јохан Вадефул ги повика членките на ЕУ да ги исполнат своите ветувања за проширување кон Западен Балкан. Предупреди дека со тоа, Унијата го ризикува сопствениот кредибилитет и влијание во регионот.
Вадефул потсети дека ЕУ им вети членство на земјите од Западен Балкан на самитот во Солун во 2003 година. Тој го критикуваше и германскиот учинок, потсетувајќи дека поранешната канцеларка Ангела Меркел го започна Берлинскиот процес 11 години подоцна, во 2014 година.
И покрај ова, нема конкретен напредок дури и по уште 12 години.
„Не ги исполнивме нашите ветувања“, рекол министерот. „Навистина би ги повикал сите да им покажат дека ветувањето од Солун е реално, дека сме веродостојни и дека на Европа може да се потпреме“.

извор