- На големото руско малцинство во Естонија и на другите жители што не се државјани на земји од ЕУ им е забрането да гласаат на локалните избори.
- Амандманот, поддржан од 93 од вкупно 101 пратеник, јасно е насочен против 80.000 руски државјани со легален престој во балтичката земја со 1,3 милион жители. По распаѓањето на СССР, во Естонија останаа уште околу 60.000 луѓе без државјанство.
- „Ова е победа за сите. Одлуките за вашиот локален живот нема да ги прават граѓани од агресорски држави, ќе решаваме самите“, порача на Икс премиерот Кристен Михал.
- Граѓаните што не се државјани на Естонија не можат да гласаат на парламентарните избори, но досега имаа право на глас на локалните. На лицата без државјанство им е дозволено последен пат да гласаат на локалните избори во октомври.
- Кога Естонија стекна независност во 1991 година, една третина од жителите беа русофони што се доселиле од други советски републики. За да ги исполнат критериумите за државјанство, тие мораа да докажат крвни врски со Естонија и да положат тест за познавање на естонскиот јазик.
- Од 1 јануари, Украина и Молдавија официјално се приклучија на единствената зона на роаминг на Европската Унија, што значи дека нивните граѓани можат да користат мобилни телефонски услуги низ цела ЕУ без дополнителни трошоци.
- Украинците и Молдавците ќе можат да се јавуваат, да испраќаат пораки и да користат мобилни податоци во 27 земји-членки по домашни цени.
- „Од денес можете да „шетате како дома“ затоа што ви подготвуваме дом во Европската Унија“, напиша Марта Кос објавувајќи ја одлуката за првпат земји надвор од европскиот блок да се приклучат кон единствената роаминг зона.
- Тоа е онаа евробирократка која македонскиот идентитет го омеѓи со тавче гравче, пинџур и полнети пиперки.
- Западен Балкан останува стратешки интерес на ЕУ... на муабет.
- 73 годишниот актер е пред бркање од изнајмената куќа во Лос Анџелес бидејќи со месеци е назад со плаќање кирија.
- Му должи преку 60.000 долари на газдата и му бил даден рок до 18-ти декември 2025 година да го подмири долгот.
- Трособниот бунгалов во шпански стил од 20-тите години во кој своевремено живеел писателот Рејмон Чендлер, Рурки го изнамил за 5.200 долари месечно а подоцна му ја дигнале киријата на 7.000 долари.
- Тој се прослави со улогите во филмовите Девет ипол недели, Ангелско срце, Барска мушичка, Папата од Гриниџ Вилиџ и други, но, во средината на 80-тите му се случи комплетен крах кога призна: „Изгубив сè: куќата, фамилија, угледот, кариерата“.
- Подоцна се врати на нозе со филмовите Sin City и The Wrestler.
