Вести › Набрзинка

Емиратите го напуштија ОПЕК

28 април 2026

Обединетите Арапски Емирати, еден од најголемите извозници на нафта во светот, објавија дека од 1 мај повеќе нема да бидат членки на картелите ОПЕК и ОПЕК+.
„Нешто големо се готви на Блискиот Исток. Освен од Иран, ОАЕ се незадоволни од неколку соседи и нивното членство во неколку организации“, забележува Хавиер Блас од Блумберг.
„Оваа одлука е во согласност со долгорочната стратешка и економска визија на ОАЕ и развојот на енергетскиот сектор... По напуштањето на ОПЕК, ОАЕ ќе продолжи со својата одговорна улога со постепено и внимателно зголемување на производството, во согласност со побарувачката и пазарните услови“, објави државната новинска агенција ВАМ.
Емиратите беа меѓу најголемите производители на нафта во ОПЕК. Произведува по 4 милиони барели на ден, со план да ги зголемат капацитетите на 5 милиони дневно од 2027 година.
„Заминувањето на ОАЕ ќе ја ослаби способноста на ОПЕК да ги брани ценовните минимуми, особено за време на економски кризи“, оцени Метју Коули, енергетски аналитичар во УБС.

извор

Мерц бара „асоцијативно“ членство за Украина во ЕУ

21 мај 2026

Германскиот канцелар Фридрих Мерц предложи Украина да стане „придружна членка“ на Европската Унија - да им се дозволи на украински претставници да учествуваат на самитите и министерските состаноци на ЕУ, но без право на глас.
Украина би била опфатена со клаузулата за заемна помош на блокот и би имала право на финансирање од делови од буџетот на ЕУ.
Привременото членство би било поништено ако Киев отстапи од стандардите за владеење на правото неопходни за целосно пристапување.
„Очигледно е дека нема да можеме наскоро да го завршиме процесот на пристапување (на Украина), со оглед на безбројните пречки и политичката сложеност на процесите на ратификација. Предвидувам политичко решение што значително ќе ја доближи Украина до Европската Унија и нејзините основни институции веднаш... Тоа ќе помогне во олеснувањето на тековните мировни преговори“, забележал Мерц во писмо до шефовите на ЕУ - Урсула фон дер Лајен и Антонио Кошта.

извор

САД ги укинаа санкциите за Франческа Албанезе

21 мај 2026

САД ги укинаа санкциите за Франческа Албанезе, специјалната известувачка на Обединетите нации за палестинските територии, која ја критикуваше израелската војна во Газа и ја оцени како како „геноцид“.
Администрацијата на Трамп лани ѝ воведе санкции на Албанезе, поради нејзината препорака до Меѓународниот кривичен суд да покрене истраги за воени злосторства против израелски и американски државјани и компании во врска со кампањата на геноцид во Газа.
Ѝ забранија пристап во САД и ѝ ги блокираа сите сметки.
Нејзиниот сопруг и ќерката, која е државјанка на САД, ја тужеа администрацијата на Трамп во февруари. Федерален судија на 13 мај привремено ги блокираше санкциите.
Окружниот судија Ричард Леон заклучи дека „престојот на Албанезе надвор од САД не ја поткопува нејзината заштита според Првиот амандман од Уставот на САД“ и дека „администрацијата на Трамп се обидела да го регулира нејзиното право на говор поради „искажаната идеја или порака“.

извор